Açiq mənbələrdən foto.
Bakı/15.07.20/Turan: Ötən gecə Azərbaycan Milli Məclisinin binası yaxınlığında etiraz aksiyası zamanı bir neçə jurnalist fiziki təzyiqə məruz qalıb.
Freelancer jurnalist Xəyalə Ağayeva bildirib ki, aksiya iştirakçılarının saxlanılmasını çəkərkən polis tərəfindən ona təzyiqlər olub.
“Çəkiliş edərkən polis mənim mobil telefonumu və jurnalist vəsiqəmi əlimdən aldı. Etirazıma baxmayaraq, geri qaytarmadılar”, - X.Ağayeva bildirib.
Jurnalist-freelancer Aysel Umudova da təzyiqlərə məruz qalıb, bu barədə Turan-a onun həmkarı Sevinc Vaqifqızı bildirib. A.Umudova videoçəkiliş apararkən polis əməkdaşı onun əlinə vurub, telefon yerə düşərək sınıb.
Digər iki jurnalist Anar Abdullayev və Firi Səlim polis tərəfindən saxlanılıb.
Fəalların sözlərinə görə, saxlanılanlar öncə Səbayel Rayon Polis İdarəsinin 9-cu bölməsinə, oradan isə Binəqədi Rayon Polis İdarəsinə aparılıblar. Onların barəsində protokol tərtib ediləcəyi gözlənilir. DİN-in mətbuat xidmətindən şərh almaq mümkün olmayıb.
Orduya dəstək aksiyasının bir qrup iştirakçısı ümumi səfərbərlik elan edilməsi tələbilə parlamentə daxil olduqdan sonra polis güc tətbiq edərək saxlanmalar həyata keçirib.—06D-
Cəmiyyət
-
Azərbaycan hakimiyyətinin təmsilçiləri tez-tez xalqın onlara yüksək dəstəyindən bəhs edirlər. Onların opponentləri isə hesab edirlər ki, ölkədə azad və ədalətli seçkilər olmadığından xalqın gerçəkdə kimi müdafiə etdiyi mübahisəli məsələdir.
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
Rəy yaz