Partiya üzvü Şəhər Klinik Xəstəxanasına köçürülüb

Bakı/08.06.23/Turan: İyunun 6-da ruhi-əsəb dispanserinə yerləşdirilən Azərbaycan Demokratiya və Rifah Partiyasının (ADRP) üzvü Ziyafət Abbasova ruhi-əsəb dispanserindən 3 saylı Şəhər Klinik Xəstəxanasına köçürülub. Bu barədə Turana partiyanın sədr müavini Ədalət Yusubov məlumat verib.

Onun sözlərinə görə, dünən gecə Z.Abbasovanın vəziyyəti kəskin pisləşib.

"Ziyafət xanım irsi qan xəstəsidir, gündəlik müalicə alırdı, həkim nəzarətində idi.

Onu zorla, polis gücünə aparıb ora salanda onun keçirdiyi psixoloji sarsıntı səhhətdəki problemləri şiddətli qabarlamasına səbəb olub", partiya funksioneri

bildirib.

Sədrinin müavininin sözlərinə görə, Z.Abbasova 1 sutka ərzində heç nə yeməyib. "Ona tətbiq olunan dərmanlar da bunda rolunu oynayıb. Axşam da vəziyyəyi kritikləşib və gecə onu məcbur olub xəstəxanaya köçürüblər".

Məsələ ilə bağlı DİN-in mətbuat xidmətinin əməkdaşı Nurlan Əliyev Turana bildirib ki, Z.Abbasovanın müalicəsi digər xəstəxanada davam etdirilir. “Vətəndaş ruhi-əsəb dispanserində ixtisaslı həkim müayinəsindən keçirildikdən sonra Sabunçu Rayon Xəstəxanasına köçürülüb. Hazırda müalicəsini orada davam etdirir”-06.