Pərviz Həşimlinin işi üzrə məhkəmədə qalmaqal
Bakı Ağır Cinayətlər Məhkəməsində jurnalist Pərviz Həşimlinin işi üzrə Novruz Kərimovun sədrliyi ilə keçirilən bugünki məhkəmə iclasında qalqamaq baş verib.
Vəkil Bəhruz Bayramovun Turan-a verdiyi məlumata görə, iş üzrə ikinci təqsirləndirilən şəxs – Təvəkkül Qurbanov bildirib ki, Pərviz Həşimli mətbuatda onu təhqir edib. Lakin Həşimli bu ittihamları əsassız adlandırıb. Bu zaman qəzəblənən Qurbanov dəmir barmaqlıqlar arasından Həşimliyə yumruq vurmaq istəyib. Lakin nəzarətçilər buna imkan verməyib.
Daha sonra məhkəmə Həşimlinin vəkilinin əlavə şahidlər çağırılması haqqında vəsatətinə baxıb, lakin vəsatəti təmin etməyib.
Öz növbəsində, Həşimli deyib ki, MTN-də ona Əli və Vəli Nağıyev qardaşlarına – MTN rəhbərinin keçmiş müavini və onun qardaşı – Baş Prokuroruğun Korrupsiyaya qarşı Mübarizə İdarəsi rəhbərinin hazırki müavininə, habelə “Azəryolservis”in rəhbəri Cavid Qurbanova qarşı ifadə verməsi üçün 1 milyon dollar təklif ediblər.
Bu bəyanatlardan sonra Həşimli özünü pis hiss edib və proses dayandırılıb. Növbəti iclas mayın 5-də keçiriləcək.
* Pərviz Həşimli 17 sentyabr 2013-cü ildə MTN əməkdaşları tərəfindən həbs edilib. Martda həbs müddəti üç ay artırılıb. O, 206.3.2 (qaçaqmalçılıq) və 228.2.1-ci (qanunsuz silah əldə etmək, saxlamaq) maddələrlə ittiham olunur. Jurnalist özünü təqsirli bilmir, istintaq zamanı ondan bir sıra vəzifəli şəxslərə qarşı guya müxalifəti maliyyələşdirdikləri barədə ifadə alıblar. Ondan həmçinin AXCP lideri Əli Kərimliyə qarşı ifadə verməyi tələb ediblər. -16B04-
-
- Siyasət
- 1 May 2014 18:28
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz