Açiq mənbələrdən foto.
“Pfizer” Azərbaycandan niyə gedir?
Bakı/07.03.22/Turan: Amerikanın koronavirus vaksini istehsalçısı “Pfizer H.C.P. Corporation” şirkəti Azərbaycanı tərk edir. Ö, öz nümayəndəliyinin ləğv olunduğunu elan edib. Bu barədə Azərbaycan İqtisadiyyat Nazirliyi yanında Dövlət Vergi Xidmətinin “Vergilər” qəzeti bildirib.
"Pfizer"in gedişi nə ilə bağlıdır, bu, vaksinin qiymətinə necə təsir göstərəcək və Azərbaycan artıq "Pfizer" vaksininin alınmasına nə qədər xərcləyib?
Rəsmi məlumatlara görə 2021-ci ildə Azərbaycana 16937 790 doza CoronaVac, AstraZeneca/Vaxzevria, Biontech/Pfizer və Sputnik V gətirilib.
İcbari Tibbi Sığorta üzrə Dövlət Agentliyindən Turan-a verilən məlumata görə, 2021-ci il noyabrın sonunda Azərbaycana 319 410 doza "Pfizer/Biontech" vaksini gətirilib.
Təsdiqlənmiş edilmiş müqavilələrə görə, dekabrın sonuna qədər 1 344 330 doza Pfizer/Biontech gətirilib. Vaksinlərin bu partiyasının yararlılıq müddəti martın 22-də başa çatır.
Öz növbəsində, Səhiyyə Nazirliyi vaksinlərin hansı qiymətə alındığını açıqlamaqdan imtina edib. Nazirlər Kabinetindən Turan-ın bildiriblər ki, vaksin istehsalçılarının əksəriyyəti qiymətləri açıqlamaq istəmir.
Lakin 2021-ci ilin avqustunda Avropa Komissiyası vaksinin qiymətində artım gözlənildiyini bildirmişdi. Bu, vaksinlərin koronavirusun o vaxtkı yeni növü - delta ştammına adaptasiyası zərurətilə izah edildi. O zaman bildirilmişdi ki, Biontech/Pfizer-in bir dozasının qiyməti 15,5 avrodan 19,5 avroya qədər yüksəlib.
Azərbaycan Həkimləri İctimai Birliyinin təsisçilərindən biri Aydın Əliyev hesab edir ki, “Pfizer” şirkətinin Azərbaycandakı nümayəndəliyinin bağlanması onunla əlaqədardır ki, yaxın gələcəkdə koronavirusdan vaksinasiya öz əhəmiyyətini itirəcək.
"Yaxın gələcəkdə pandemiya başa çatdıqdan sonra peyvəndləmə öz mənasını itirəcək. Bəlkə də şirkətin gedişi bununla bağlıdır", - Əliyev deyib.
İqtisadçı Natiq Cəfərli hesab edir ki, “Pfizer”in Bakı ofisi ən çox əməliyyat işlərilə məşğul olub. "Onlar vaksinlərin daşınması, saxlanma qaydalarının təmin edilməsi və logistika məsələlərilə məşğul olublar", - Cəfərli deyib.
Vaksinlərin qiymətinə gəlincə, Cəfərli hesab edir ki, Azərbaycan hökuməti “şəffaflığa meylli deyil”.
“Yaxşı olardı ki, hökumət vaksinasiyaya nə qədər vəsait xərcləndiyini, vaksinlərin hansı qiymətə və hansı intervalla alındığını ictimaiyyətə açıqlasın”, - Natiq Cəfərli deyib.—06B-
-
- Siyasət
- 7 Mart 2022 13:48
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz