Polad Aslanov. Açiq mənbələrdən foto.
Bakı/11.10.21/Turan: Həbsdə olan xeberman.com saytının təsisçisi Polad Aslanov siyasi məhbus, Xalq Cəbhəsi Partiyasının fəalı Niyaməddin Əhmədova dəstək bəyanatı ilə çıxış etdikdən sonra 1 saylı cəzaçəkmə müəssisəsində ona təzyiq göstərildiyini bildirib. Bu barədə onun həyat yoldaşı Gülmira Aslanova bildirib.
“Polad cəzaçəkmə müəssisəsindən zəng edib. O bildirib ki, onu digər məhbuslardan təcrid etməyə çalışırlar, onunla ünsiyyət quranlar isə döyülür və karserə salınır. Belə ki, keçən həftə Pənah adlı məhbus karserə salınıb. Poladın özünü 200 nəfərlik baraka keçirməyə hazırlaşırlar. Bu, Poladın Niyaməddin Əhmədovu dəstəklədiyi haqqında bəyanatından sonra baş verib”, deyə həyat yoldaşı bildirib.
Onun sözlərinə görə, hazırda Polad 18 nəfərlik kamerada saxlanılır.
“Polada hakimiyyəti tənqid etməyə və məhbusların hüquqlarının pozulması haqqında danışmağa son qoymazsa, onu rahat buraxmayacaqlarını göstərirlər”, deyə Aslanova qeyd edib.
Penitensiar Xidmətdən şərh almaq mümkün olmayıb.
* Xeberman.com saytının redaktoru Polad Aslanov 16 noyabr 2019-cu il tarixində İranın xeyrinə dövlətə xəyanət ittihamı ilə 16 il müddətinə azadlıqdan məhrum edilib.
“Sərhədsiz Reportyorlar” və digər hüquq müdafiə qurumları Azərbaycan hökumətini Polad Aslanovu azad etməyə çağırıblar. -06B-
Cəmiyyət
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
-
Fevralın 13-də paytaxtda və Abşeron yarımadasında yağıntı gözlənilir. Şimal-qərb küləyi cənub-şərq küləyi ilə əvəz olunacaq. Havanın temperaturu gecə 1-3, gündüz 5-8 dərəcə, nisbi rütubət 70-80% təşkil edəcək.
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
Rəy yaz