Polad Aslanov. Açiq mənbələrdən foto.
Bakı/14.08.20/Turan: Avqustun 13-də Bakı Ağır Cinayətlər Məhkəməsində dövlətə xəyanətdə ittiham olunan sayt redaktoru Polad Aslanovun işi üzrə proses davam edib. Prosesə Faiq Qəniyev sədrlik edib.
P.Aslanovun xanımı Gülmirə Aslanova bildirib ki, jurnalist Arifə Əliyevanın ifadəsi dinlənilib.
“Poladın və vəkil Elçin Sadıqovun suallarını cavablandıran şahid istintaqda söylədiklərinin əksinə olan şeylər söyləyib. Hakim onun əvvəlki ifadələrini səsləndirdikdən sonra onları təsdiq edib”, - G. Aslanova qeyd edib.
Digər şahid, “Canub Press” saytının əməkdaşı Mirələm Həşimov bildirib ki, onun ibtidai istintaqa verdiyi ifadə təhrif edilib.
M.Həşimov deyib ki, İrana birgə səfər zamanı P.Aslanovun bir neçə dəfə iranlılarla təkbətək görüşünü gördüyünü bildirməyib..
“Şahid deyib ki, səfər zamanı mehmanxanada İnternet olmayıb və Polad hər kəsin yanında iranlılardan birinə yaxınlaşdı və soruşdu ki, İnternetə qoşulmaq mümkündürmü?”,- G.Aslanova davam edib.
Daha bir şahid Elşad Barat deyib ki, əvvəllər Polad Aslanovla tanış olmayıb.
“Bu şahid niyə istintaqa çağırıldığını anlamadı. O düşünürdü ki, İrana müalicəyə getdiyi üçün onu dindirməyə çağırıblar. Bu şahid dedi ki, istintaq materiallarında onun adından yazılan sözlər onun özünə aid deyil. O deyib ki, yalnız bu günlərdə bilib ki, onu Polad Aslanovun işi üzrə dindiriblər”,- G.Aslanova bildirib.
Növbəti məhkəmə iclası avqustun 20-də keçiriləcək.
* Polad Aslanov 2019-cu il iyunun 12-də saxlanılıb və CM-in 274-cü maddəsi (dövlətə xəyanət) ilə 4 ay müddətinə həbs edilib. İstintaqı Dövlət Təhlükəsizliyi Xidməti aparır. Oktyabrın 5-də həbs müddəti daha 4 ay uzadılıb.O, İranın xüsusi xidmət orqanları ilə əməkdaşlıq üçün digər jurnalistləri cəlb etməkdə ittiham olunur.
Siyasi Məhbusların Azadlığı Uğrunda İttifaq Polad Aslanovu siyasi məhbus kimi tanıyıb.030B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz