Polad Aslanov. Açiq mənbələrdən foto.
Bakı/21.08.20/Turan: Avqustun 20-də Bakı Ağır Cinayətlər Məhkəməsində Faiq Qəniyevin sədrliyi ilə xeberman.com saytının redaktoru Polad Aslanovun işi üzrə proses davam etdirilib.
İclasdan sonra onun həyat yoldaşı Gülmira Aslanovanın verdiyi məlumata görə, prosesdə iki şahidin ifadəsi dinlənilib. Jurnalist Kənan Rövşənoğlu deyib ki, 2018-ci ilin fevralında Aslanovla birlikdə İslam İnqilabının 39-cu ildönümü ilə əlaqədar tədbirdə iştirak üçün İrana dəvət ediliblər.
Onları İranın Maarifləndirmə Nazirliyinin (mətbuat orqanlarını idarə edən orqan) nümayəndəsi Həmid Nəsir qarşılayıb və müşaiyət edib. Şahid bildirib ki, səfər zamanı, o cümlədən qatarla Məşhədə səyahət edərkən Aslanov Nəsirlə təkbətək qalmayıb.
Rövşənoğlu deyib ki, onlar Aslanovla birlikdə reportajlar və fotomateriallar hazırlayırdılar. O, ibtidai istintaqa verdiyi ifadənin təhrif edildiyini qeyd edib. Xüsusən, o, Polad Aslanovun guya qatarda Həmid Nəsirin kupesinə getdiyini və onların orada nə isə danışdığını deməyib.
Vəkillərin Aslanovu dövlətə xəyanətdə şübhəli bilməyə əsas verən hər hansı məlumatının olub-olmaması barədə sualına cavabda Rövşənoğlu belə bir məlumatının olmadığını bildirib.
Daha sonra prosesdə 2019-cu ildə hədələmə yolu ilə pul tələb etmə ittihamı ilə 5 il müddətinə azadlıqdan məhrumetmə cəzasına məhkum edilmiş Mirkənan Seyidov dinlənilib.
Seyidov bildirib ki, Mətbuat Şurasının Əsəd adlı əməkdaşı ona zəng edib və bu qurumun rəhbəri Əflatun Amaşovun Polad Aslanova MTN əməkdaşlarının ziyarətçilərin daşınmasına görə turizm firmalarından rüşvət tələb etməsi haqqında nəşri silmək təklifini çatdırmağını xahiş edib. Bunun müqabilində P.Aslanovun saytına maddi dəstək vəd edilirdi.
Şahid bildirib ki, Amaşovun təklifini Aslanova çatdırıb, amma o, bu təklifi qəbul etməyib və nəşri silməyib.
Seyidov istintaqa verdiyi ifadəni qismən təsdiq edib. Hakim istintaqa verdiyi ifadəsini ona xatırlatdıqda Seyidov deyib ki, o, yalnız A-4 formatında bir səhifə imzalayıb, işdə isə 3 səhifə var.
Seyidov həmçinin bildirib ki, Aslanovun həyat yoldaşının onun ünvanına yazdığı posta qəzəblənərək, Aslanova qarşı ifadə verib.
* Polad Aslanov 12 iyun 2019-cu il tarixində saxlanılıb və CM-in 274-cü (dövlətə xəyanət) maddəsi ilə 4 ay müddətinə həbs edilib. İstintaqı Dövlət Təhlükəsizliyi Xidməti aparır. Oktyabrın 5-də həbs müddəti 4 ay uzadılıb. O, digər jurnalistləri İranın xüsusi xidmətləri ilə əməkdaşlığa cəlb etməkdə ittiham olunur.
“Siyasi Məhbuslara Azadlıq” İttifaqı Polad Aslanovu siyasi məhbus kimi tanıyıb. -B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz