Bakı/15.01.18/Turan: Daxili işlər orqanları yanvarın 13-14-də ümumi çəkisi 32 kiloqramdan artıq müxtəlif növ narkotik vasitə, o cümlədən 4 kiloqram heroin, 5 kiloqrama yaxın tiryək və 23 kiloqrama yaxın marixuananı götürərək dövriyyədən çıxarıb. Bu barədə Daxili İşlər Nazirliyinin mətbuat xidməti məlumat yayıb.
Belə ki, Cəlilabad rayon polis şöbəsi və Dövlət Təhlükəsizlik Xidmətinin rayon şöbəsi Salyan rayon sakini Qismət Feyziyevin idarə etdiyi VAZ-21074 markalı avtomobildən 4 kiloqram heroin, 1 kiloqram tiryək, 1970 ədəd metadon, 170 blok NZ və 214 blok "Manchester" markalı tütün məmulatları aşkar edərək götürüb. Sürücü və avtomobildə olan sərnişinlər - Yardımlı rayon sakinləri Hikmət Hüseynov, Mərhəmət Behbudov və onun qardaşı Hikmət saxlanılıb.
Baş Narkotiklərlə Mübarizə İdarəsinin əməkdaşları Biləsuvar rayon sakini Vüsal Həsənov 39 ədəd "Mydrax" məhlulunu və 36 ədəd "Metadon"u satarkən saxlayıb.
Yasamal Rayon Polis İdarəsinin 29-cu polis bölməsi Bakı şəhər sakini Əhməd Məmmədovdan 22 kiloqram 850 qram marixuana, Astara rayon polis şöbəsi şəhər sakini Ramin Quliyevdən 1 kiloqram 47 qram, yaşadığı evdən 2 kiloqram 104 qram tiryək, Masallı polis şöbəsi şəhər sakini İmran Fərəcovdan 25,414 qram, yaşadığı evdən 1 kiloqrama yaxın tiryək aşkar edərək götürüb.
Saxlanılan şəxslər maddi sübutlarla birgə istintaqa təhvil veriliblər.
Qeyd olunan faktlarla bağlı cinayət işləri başlanılıb, istintaq-əməliyyat tədbirləri aparılır.-03D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz