Saat 15.30-da İlkin Rüstəmzadə Facebook vasitəsilə canlı yayıma çıxaraq bildirib ki, polis onun yaşadığı evi əhatəyə alıb. Bundan öncə ona telefon edərək pandemiya dövründə Azərbaycanda sosial müavinətlərin artırılmasını tələb edən petisiyanı change. org saytından götürməsini tələb ediblər.
Bunu etməkdən imtina etdikdən sonra onu sanksiyalarla hədələyiblər.
“Əminəm ki, hakimiyyət məni buna görə cəzalandırmaq və işi karantin rejiminin pozulması kimi təqdim etmək istəyir”, - fəal deyib və əlavə edib ki, hədələrin qarşısında geri çəkilmək fikri yoxdur. -0-
* * *
2020 Aprel 08 (Çərşənbə) 16:37:06
İlkin Rüstəmzadə həbs təhlükəsinin olduğunu bildirib
Bakı/08.04.20/Turan: İctimai fəal İlkin Rüstəmzadə həbs təhlükəsinin olduğunu bildirib. Belə ki, aprelin 7-də Xətai Rayon Polis İdarəsinin 34-cü bölməsinin əməkdaşları onun qeydiyyatda olduğu mənzilə gələrək doğmalarından onun yerini soruşublar.
“Evdən cavab veriblər ki, İlkin köçüb. Polislər bunun qanunsuz olduğnu deyərək məni karantin qaydalarının pozduğumu bildiriblər. Halbuki, mən yeni evə aprelin 2-də köçmüşəm”, - İ.Rüstəmzadə Turan-a bildirib.
İ.Rüstəmzadə deyib ki, polisin onu axtardığının səbəbi bir neçə gün əvvəl tərtib etdiyi petisiyada ola bilər. “Mən koronavirus və onunla bağlı tətbiq edilmiş karantin rejiminə görə petisiya yaymışam. Petisiyada karantin dövründə dövlətin vətəndaşlara 300 manat sosial müavinət verməsi, kommunal və bank ödəmələrinin dayandırılması nəzərdə tuturdu”, - o bildirib.
Öz növbəsində Bakı Şəhər Baş Polis İdarəsinin mətbuat xidmətinin rəhbəri Elşad Hacıyev Turan-a bildirib ki, məsələ ilə bağlı məlumatı yoxdur.
DİN mətbuat xidmətindən şərh almaq mümkün olmayıb.
Xatırladaq ki, İlkin Rüstəmzadə keçmiş siyasi məhbusdur. Kütləvi iğtişaşların təşkili ilə bağlı saxta ittihamlarla 6 il həbsxanada olub. —06D-
Cəmiyyət
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
Rəy yaz