Bakı/08.04.20/Turan: Polis karantin rejimində sərbəst hərəkət etmək üçün saxta jurnalist vəsiqələrinin satışına görə iki nəfəri saxlayıb.
Bakı sakinləri Anar İsgəndərov və Aslan Bayramov “Sağlam Həyat Naminə”, eləcə də “Siyasət və Gerçək Uğur” jurnallarının möhürü ilə təsdiqlənmiş saxta sənədləri satarkən saxlanılıblar. Bu barədə DİN-in məlumatında deyilir.
Faktla bağlı CM-in 320 (rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə) və 139-1.1-ci (epidemiya əleyhinə və karantin rejimlərinin pozulması) maddələri ilə cinayət işi başlanılıb.
A.İsgəndərov və A.Bayramov şübhəli qismində istintaqa cəlb olunublar. Onlardan xeyli sayda saxta arayış, boş blanklar və möhür aşkar olunaraq götürülüb.—06D-
Siyasət
-
Dövlət və hökumət başçıları COP29 iqlim konfransında iştirak etmək üçün Bakıya gəlməyə davam edirlər.
-
Çərşənbə axşamı dövlət katibi Entoni Blinken təyyarədən Türkiyənin xarici işlər naziri Hakan Fidana zəng edərək Yaxın Şərq və Cənubi Qafqazı müzakirə edib, səfər zamanı dövlət katibini müşayiət edən Turan-ın müxbiri bildirib.
-
BBC: BMT-nin Beynəlxalq Ədalət Məhkəməsi (ICJ) Azərbaycan və Ermənistanın qarşılıqlı iddialarını araşdırmağa razılaşıb. Hər iki ölkə bir-birini Dağlıq Qarabağdakı vəziyyətlə bağlı Bütün Formalı İrqi Ayrı-seçkiliyin Ləğv Edilməsi haqqında Beynəlxalq Konvensiyanı pozmaqda ittiham edir.
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
Rəy yaz