Açiq mənbələrdən foto.
Bakı/02.02.23/Turan: Bakının Binəqədi Rayon Polis İdarəsi Baləcəri qəsəbədində fərdi evdə itə işgəncə verilməsi barədə şikayətlərə reaksiya verib. Bu barədə Turan-a qəsəbə sakini bildirib. O deyib ki, hər gün qonşular döyülən itin zingiltisini eşidirlər, lakin sahibinə təsir edə bilmirlər. İnternetdə bir adamın itin quyruğundan tutaraq taxta ilə vurduğunu əks etdirən video yayılıb.
Heyvanların müdafiəçisi Fərid Mənsurov da işgəncə verən şəxslə bağlı Daxili İşlər Nazirliyinə şikayət edib.
Biləcəri qəsəbə sakini Eldar Əliyev Turan-a bildirib ki, polis Malik Aslanov küçəsində itə əziyyət edən qadını saxlayaraq bölməyə aparıb. Sonra məlum olub ki, o 500 manat cərimə edilib. İnzibati xətanı törədən şəxsin adı açıqlanmayıb.
Fevralın 2-də saat 15:00-da Fərid Mənsurov Bakı Şəhəri Binəqədi Rayon Polis İdarəsinin 6-cı bölməsinin qarşısında etiraz aksiyası keçirir. O, bununla bağlı Facebook səhifəsində yazıb:
“Haski cinsindən olan itin vəhşicəsinə döyülməsinə dair video ictimaiyyətdə ciddi narazılığa səbəb oldu. Telefonum susmur, WhatsApp və sosial şəbəkələr dağılır, hamı bilmək istəyir ki, bu adama qarşı hansı tədbirlər görülüb və itin aqibəti necədir?..Ona görə də bu vəhşilik aktrıa biganə qalmayan bütün şəxsləri saat 15:00-da bölməyə gəlməyə çağırıram”. 0
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz