Bakı/27.11.19/Turan: Ötən gün polis 2015-ci il noyabrın 26-da Nardaranda keçirilmiş xüsusi əməliyyat zamanı həlak olmuş “Müsəlman Birliyi” Hərəkatı üzvlərinin xatirəsini anmaq üçün Maştağa qəsəbəsindəki fərdi evlərdən birində keçirilən tədbiri pozub.
Quran oxunduqdan sonra ehsan verilməsi başlayarkən polis əməkdaşları evə daxil olublar və tədbiri dayandırmağı tələb ediblər.
“Müsəlman Birliyi” Hərəkatının üzvləri qarşıdurmaya yol verməmək üçün yeri tərk ediblər, - Hərəkatın məlumatında bildirilib.
“Müsəlman Birliyi” Hərəkatının sədr müavini Elçin Qasımlı və ev sahibi bu gün saat 10:00-da Sabunçu Rayon Polis İdarəsinə çağırılıblar.
Saat 11:30-a yaxın izahat aldıqdan sonra onları buraxıblar
E.Qasımlının sözlərinə görə, onlara bildiriblər ki, bu cür tədbirlərin keçirilməsinə “icazə verimir”.
Ev sahibinə isə xəbərdarlıq ediblər ki, belə hal təkrarlanarsa, ona qarşı cinayət işi açılacaq.
Xatırladaq ki, 2015-cı il noyabrın 26-da Nardaranda keçirilmiş xüsusi əməliyyat zamanı “Müsəlman Birliyi” Hərəkatının lideri Taleh Bağırzadə və onun bir qrup tərəfdaşı həbs edilib. İki polis əməkdaşı və Hərəkatın 4 üzvü həlak olub.—06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz