Prezident evin tikintisini başdansovdu cavabla məşğul olan korporasiyaya verib

Bakı/14.08.21/Turan: Bakının mərkəzi tarixi hissəsində, Zərgərpalan-Muxtarov-Tolstoy-Tağızadə küçələrinin kəsişməsində 12 mərtəbəli, üç bloklu yaşayış binasının tikintisini görmək olar.

Məlumat lövhəsində tikintinin başlama və bitmə tarixləri göstərilir: 01.18.2021 – 30.12. 2021.

Məlumatsız insanlar görüb qərara gələrlər ki, Bakıda 11 aya nəhəng binalar tikə bilirlər. Əgər “ABİDƏ” MTK özünü dürüst aparsaydı, lövhədə tikintinin başlanma tarixi düzgün yazılardı – 2004-cü il.

Uzunmüddətli tikinti barədə Turan-a məlumatı “ABİDƏ” MTK-a etibar edən evin payçıları məlumat verib. Onlar məktubda tikintini bir-birinə ötürən qurumları sadalayır. Binanı hər yeni tikən şirkət payçılara binanın hazır olmamasını müxtəlif səbəblərlə izah edib. Payçı Nigar Rəhimovaya 16.06.2020-ci il tarixli rəsmi məktubda göstərilən sonuncu səbəb belədir – pandemiya səbəbindən işlərin mümkünsüzlüyü, su rezervuarının tikintisi ilə bağlı qərarsızlıq, mövcud olmayan mənzillərin satışı hesabına tikintinin bərpa ediləcəyi ilə bağlı vəd.

Payçı Natiq Əlizadənin sözlərinə görə, onlar bir dəfə bildiriblər ki, tikinti Azərbaycan Sənaye Korporasiyası rəhbərinin koronavirus xəstəliyi səbəbindən dayanıb. O sağalan kimi tikinti bərpa olunacaq.

“ABİDƏ” MTK-dan sonra tikintinin sahibi “Aqrarkredit” idi. Bu barədə prezidentə 2019-cu il tarixli məktubda binaya pul yatıran vətəndaşlar yazır. Onlar yazır ki, “ABİDƏ” Beynəlxalq Bankdan kredit götürərək onun problemli müştərisinə çevrilib. Sonradan, Azərbaycan Respublikası Prezidentinin Beynəlxalq Bankın sağlamlaşdırılması ilə bağlı 15 iyun 2015-ci il tarixli sərəncamı çərçivəsində yarımçıq qalan tikinti 2016-cı ilin noyabrın 11-də “Aqrarkredit” səhmdar kredit təşkilatına verilib və hansısa işlər görülüb. 2017-ci ilin dekabrın 4-də isə Azərbaycan Respublikası Prezidentinin sərəncamı ilə tikinti Azərbaycan Sənaye Korporasiyasına verilib. O vaxtdan tikinti aparılmır, - deyə payçılar prezidentə yazır.

Onlar prezidentə gələcək mənzillərə görə pul ödəyən bəzi ailələrin ağır vəziyyətindən yazır: adamlar borca düşüb, kirayə mənzillərdə yaşayır, yaşaya bilmədiklri mənzillərə görə həmin “ABİDƏ”yə 10%-lik ipoteka ödəyir.

“Aqrarkredit” və Azərbaycan Sənaye Korporasiyası vətəndaşlara heç bir məlumat vermir, - deyə onlar prezidentə yazır. Onlar xahiş edir ki, dövlət başçısı tikintini bərpası və başa çatdırılması ilə bağlı sərəncam versin. Analojı müraciət Azərbaycanın Birinci vitse-prezidentinə də göndərilib. Bu məktubların göndərilməsindən iki il keçib, ancaq tikinti başa çatmayıb.

İnformasiyanın olmaması şayiələrə səbəb olur. Payçılar arasında güclü şəxslər arasında sövdələşmə barədə söhbətlər gəzir. Bakının bu hissəsində torpağın qiyməti daima artır. Yarımçıq qalan tikili satıla bilər, yeni sahibi mənzillərə görə yüksək ödəniş istəyə, yaxud mənzillər daha yaxşı qiymət ödəyə biləcək başqa adamlara satıla bilər. Onda tikintini əvvəl aparanlar arzuları və borcları ilə qalacaq.

Şayiələr əsassız deyil, məqsədli şəkildə informasiya gizlədiləndə ortaya çıxır. Turan Agentliyi ötən həftə tikintinin dondurulmasının səbəbləri ilə bağlı Azərbaycan Sənaye Korporasiyasına telefon sorğusu ilə müraciət edib. Dövlət korporasiyasının nümayəndəsi Nübar Ələkbərova onlara elekton məktub göndərməyi xahiş edib. Məktubu alandan üç gün sonra Azərbaycan Sənaye Korporasiyasından Turan-a cavab verilib, lakin qəribədir: rəsmi blankda bizə məlumat verilib ki, sualımız “İnformasiya əldə etmək haqqında” qanunun tələblərinə uyğun deyil, ona görə də cavab verməmək qərarına gəliblər. Əgər biz qanunun tələblərinə cavab verən soröu göndərsək, onlar bizə cavab verəcək, - deyə Nübar Ələkbərova əlavə edib.

Cavabdan yayınmaq üçün qanunu səhv rəhbər tutmaqdansa, Turan-la yazışmaqdansa, Azərbaycan Sənaye Korporasiyasında tikintinin bu qədər uzun davam etməsinin səbəbini qısaca izah edə bilərdilər. Adamları sakitləşdirə, onlarda qanuna və prezidentin qərarlarının icrasına inamı qaytara bilərdilər. Ancaq birbaşa öhdəliklərini yerinə yetirmək əvəzinə, Azərbaycan Sənaye Korporasiyasında aldadılar payçıların dərdi ilə heç bir əlaqəsi olmayan qanunun bəndəri ilə bağlı Turan-la mübahisə aparmağa başlayıblar.–0—