Prokuror "AXCP-nin qanunsuz maliyyələşdirilməsi haqqında" iş üzrə fiqurant üçün 8 il həbs istəyir
Bakı/23.01.19/Turan: Çərşənbə axşamı Bakı Ağır Cinayətlər Məhkəməsində "AXCP-nin qanunsuz maliyyələşdirilməsi haqqında" iş üzrə prosesdə dövlət ittihamçısının yekun çıxışı olub.
Xatırladaq ki, üç fəal: partiyanın Rəyasət Heyətinin üzvü Aqil Məhərrəmli, Nərimanov rayon təşkilatının sədri Babək Həsənov, Gənclər Komitəsinin fəalı Ruslan Nəsirli, habelə sahibkar Saleh Rüstəmov və onun qardaşı oğlu Vidadi Rüstəmli məhkəmə qarşısına çıxarılıb.
2018-ci il mayın 26-da ölkənin Baş Prokurorluğu onların AXCP-nin "qanunsuz maliyyələşdirilməsi" ittihamı ilə həbs edildiyini bildirib. Həbs edilən şəxslər qanunsuz sahibkarlıqda, cinayət yolu ilə əldə edilmiş pulları yumaqda və s. ittiham olunublar.
AXCP qanunsuz maliyyələşdirilmə ittihamını təkzib edib. Bütün həbs edilənlər hüquq müdafiəçiləri tərəfindən siyasi məhbus kimi tanınıb.
İki aya yaxındır davam edən proses zamanı təqsirləndirilən şəxslər DİN-in Baş Mütəşəkkil Cinayətkarlığa qarşı Mübarizə İdarəsində məruz qaldıqları işgəncələrdən danışıblar.
Bu gün məhkəmədə prokuror yekun nitqlə çıxış edib.
O, Saleh Rüstəmlini 8 il, Babək Həsənov və AqilMəhərrəmlinin hər birini 7 il 6 ay azadlıqdan məhrumetmə cəzasına məhkum etməyi təklif edib.
Eyni zamanda, prokuror Ruslan Nəsirli və Vidadi Rüstəmli üçün 3,5 il şərti azadlıqdan məhrumetmə cəzası istəyib.
Məhkəmə prosesi fevralın 27-də davam etdiriləcək. -16D06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz