Təzəxan Mirələmli. Açiq mənbələrdən foto.
Prokuror “Azadlıq” qəzetinin reportyorunun 1 il müddətinə azadlığının nəhdudlaşdırılmasını istəyib
Bakı/18.06.20/Turan: Cümə axşamı Bakının Xətai rayon məhkəməsində prokuror “Azadlıq” qəzetinin reportyoru Təzəxan Mirələmlinin özünü bloger adlandıran Ata Abdullayev adlı şəxsin iddiası əsasında bir il müddətinə azadlığının nəhdudlaşdırılmasını istəyib.
Proses iyunun 25-də müdafiə tərəfin çıxışı ilə davam edəcək.
Təzəxan Mirələmli özünü təqsirli bilmədiyini bildirib və məhkəmədə ifadə verməkdən imtina edib.
Mirələmli CM-in 221.1-ci (xuliqanlıq) maddəsi ilə ittiham olunur. İddia predmeti bu il fevralın 26-da AXCP fəalları Xocalı soyqırımı qurbanları abidəsini ziyarət edərkən baş vermiş hadisə olub. Abdullayev söyüş söyür və AXCP lideri Əli Kərimlini təhqir edir, onu cavab addımlarına təhrik edirdi. Bütün bunlar polisin gözü önündə baş verirdi, polis isə sakitcə baş verənləri müşahidə edirdi. Mirələmli Abdullayevi nizam-intizama çağırdıqda isə polis “ayılıb” və Mirələmlinin xuliqanlıq etdiyi qənaətinə gəlib. -16D-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz