Açiq mənbələrdən foto.
Bakı/19.04.22/Turan: Nizami Rayon Prokurorluğunun müstəntiqi şikayətdən 50 gün sonra siyasi məhbusu Polad Aslanovun saxlanıldığı 1 saylı cəzaçəkmə müəssisəsinə gəlib. O, Aslanovun kamera yoldaşı tərəfindən döyüldüyü haqqında şikayətini araşdıracaq, bu barədə Turan-a onun həyat yoldaşı Gülmira Aslanova bildirib.
"Polad zəng edib, Nizami Rayon Prokurorluğunun müstəntiqi Anar Namazovun bir nəfərlə birlikdə onun yanına gəldiyini və sadəcə Poladın şəklini çəkdiyini bildirib və bu, ekspertiza kimi qələmə verilib.
Namazov mənim şikayətim əsasında Poladdan ifadə alıb. Müstəqil şikayət verildikdən 50 gün sonra Poladın yanına gəlib. Onlar araşdırmanı qəsdən ləngidiblər ki, Poladın bədənindən şiddət izləri yox olsun", deyə həyat yoldaşı bildirib.
Aprelin əvvəllərində Aslanova ərinin həbsxana administrasiyasının tapşırığını yerinə yetirən kamera yoldaşı tərəfindən döyüldüyünü bildirib.
Keçirilən bir neçə küçə aksiyasından sonra aprelin 9-da Nizami Rayon Prokurorluğuna dəvət olunub, şikayətinin araşdırılacağına söz verilib.
Xeberman.com saytının təsisçisi və rəhbəri Polad Aslanov 2019-cu ilin iyununda dövlətə xəyanət ittihamı ilə həbs edilib və 16 il müddətinə azadlıqdan məhrumetmə cəzasına məhkum edilib. Hüquq müdafiəçiləri onu siyasi məhbus kimi tanıyıblar. Fevralın 24-də Ali Məhkəmə onun həbs müddətini 13 ilə endirib. -06В-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz