Prokurorluq jurnalistə təzyiq göstərildiyini təkzib edir

Bakı/16.05.19/Turan: Criminal.az saytının redaktoru Anar Məmmədov mayın 15-də Bakı şəhər prokurorluğuna çağırılıb, amma ona SOCAR-ın ünvanına tənqidə son qoyulması haqqında heç bir tövsiyə verilməyib. Bu barədə Baş Prokurorluğun mətbuat xidmətinin məlumatında deyilir.

Mənbənin məlumatına görə, Məmmədov istintaq zamanı müsadirə edilmiş kompüterini qaytarılması haqqında müraciəti ilə əlaqədar prokurorluqda qəbul edilib.

Söhbət zamanı Bakı Ağır Cinayətlər Məhkəməsinin 18 mart 2019-cu il tarixli hökmündən A.Məmmədov tərəfindən apellyasiya şikayəti verildiyi müəyyən edildiyindən və beləliklə hökm qanuni qüvvəyə minmədiyindən maddi sübut ona qaytarılmayıb, deyə məlumatda bildirilir.

* Bu ilin martında Anar Məmmədov dövlət əleyhinə çağırışlar, səlahiyyətlərini aşma və vəzifə saxtakarlığı ittihamları ilə iki il sınaq müddəti olmaqla, 5,5 il müddətinə azadlıqdan məhrumetmə cəzasına məhkum edilib. Onun cinayət məsuliyyətinə cəlb edilməsinə səbəb criminal.az saytında Gəncə şəhərinin keçmiş icra başçısı Elmar Vəliyevə sui-qəsd haqqında nəşrləri olub.

Bir sıra beynəlxalq təşkilatlar, həmçinin ATƏT-in mətbuat azadlığı üzrə nümayəndəsi Arlem Dezir Məmmədov barəsində hökmü pisləyib. -0-