Açiq mənbələrdən foto.
Bakı/30.03.21/Turan: Baş Prokurorluq Azel.TV saytının redaktoru, həbsdə olan Əfqan Sadıqovun xanımı Sevinc Sadıqovaya yalan məlumatlar yaydığına görə xəbərdarlıq edib.
Baş Prokurorluğun məlumatında belə xəbərlər Dövlət Təhlükəsizlik orqanları və digər dövlət strukturlarının haqqında "yalan ictimai rəy formalaşdıran" böhtan adlandırılıb.
Bununla əlaqədar Baş Prokurorluq kütləvi imformasiya vasitələrini bu cür məlumatları dərc etməməyə çağırır və Sevinc Sadıqovaya bu cür hərəkətlərin davam edəcəyi təqdirdə məsuliyyəti barədə xəbərdarlıq edir.
Xatırladaq ki, Əfqan Sadıqov 2020-ci ildə xeberfakt.az saytının redaktoru ilə Sakit Muradov ilə birlikdə 10 min manat rüşvət almaqda ittiham olunaraq həbs edilib. Lakin bu faktla bağlı yalnız Əfqan Sadıqov mühakimə olunub. O 7 il müddətinə azadlıqdan məhrum edilib.
Apellyasiya Məhkəməsi onu azad etməkdən imtina etdikdən sonra Əfqan Sadıqov noyabrın 3-də aclıq aksiyasına başlayıb. Bir müddət sonra həkimlər ona süni qidalanma tətbiq ediblər.
Son günlər Sevinc Sadıqova sosial şəbəkələrdə və mediada bir sıra bəyanatlarla çıxış edərək onun vanna otağında videokamera quraşdırmış hüquq-mühafizə orqanları tərəfindən şantaj edildiyini bildirib.
"Məni intim videoların yayılması ilə hədələyirlər, düşünürlər ki, bu yolla məni qorxudarlar", - Sevinc Sadıqova deyib. Onun sözlərinə görə, həyat yoldaşını aclığı dayandırmağa məcbur etməsi üçün ona təzyiq göstərirlər. Amma Sevinc Sadıqova aclıq aksiyasına əl atan həyat yoldaşını dəstəkləyir verir. Bundan sonra Sevinc Sadıqova təhdidlərə məruz qalıb. "Mənə eyham vurdular ki, uşağım 16-cı mərtəbədən düşə bilər”, - o deyib.-03-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz