Tofig Yagublu
Prokurorluq Tofiq Yaqublunun döyülməsində "cinayət" görməyib
Bakı/12.01.22/Turan: Səbayel Rayon Prokurorluğu Milli Şuranın Koordinasiya Mərkəzinin və Müsavat Partiyasının üzvü Tofiq Yaqublunun döyülməsi faktı üzrə cinayət işinin başlanmasından imtina edib. Bu barədə Turan-a Yaqublu özü bildirib. Onun sözlərinə görə, yanvarın 11-də prokurorluq onun vəkilinə məktub göndərib, orada deyilir ki, "bu fakt üzrə cinayət işinin başlanmasına əsas yoxdur".
Vəkil Nemət Kərimli prokurorluğun imtinasını "absurd" adlandırıb.
Onun sözlərinə görə, prokurorluq öz qərarını Cinayət-Prosessual Məcəlləsinin 39.1.1-ci maddəsi - “cinayət hadisəsinin olmaması” ilə əsaslandırır”, - vəkil deyib.
"Bu tamamilə absurddur. "Cinayət hadisəsi" açıq - aydın görünür: Tofiq Yaqublu onlarla adamın və jurnalistlərin gözü qarşısında polis tərəfindən saxlanılıb, bir neçə saatdan sonra isə üzündə ciddi xəsarətlərlə ictimaiyyət qarşısına çıxıb", - vəkil deyib.
Bu, tibbi ekspertiza tərəfindən təsdiq edilib: "Əgər həkimlər yazsaydılar ki, Yaqublunun döyülməsinə "sübut tapmayıblar, bu, başqa məsələdir”. O qeyd edib ki, müdafiə tərəfi prokurorluğun qərarından məhkəməyə şikayət edəcək.
Xatırladaq ki, Yaqublu dekabrın 1-də Bakıda keçirilən etiraz aksiyası zamanı saxlanılıb və amansızcasına döyülüb. Onu axşama qədər saxlayaraq döyüblər.
Yaqublu Səbayel Rayon Prokurorluğuna şikayət verib və dekabrın 3-də 4,5 saat ərzində ifadə verib, bundan sonra onu tibbi ekspertizaya göndəriblər.
Tofiq Yaqublunun sözlərinə görə, onu Səbayel rayon 39-cu polis bölməsində döyüblər, sonra şəhərdən çıxarıblar və Bakıdan 72 kilometr qərbdə maşından endiriblər.- 06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz