Bakı/10.09.19/Turan: Aprelin 10-da səhər saatlarında Babək prospektində "Azərsutikinti" trestinin xəstəxanasının balansında olan binada yanğın baş verib.
Səhiyyə Nazirliyinin məlumatına görə, yanğında 5 nəfər xəsarət alıb. Onlardan biri alovdan qurtulmaq üçün üçüncü mərtəbədən özünü atıb və müxtəlif xəsarətlərlə xəstəxanaya yerləşdirilib.
Binada yaşayan məcburi köçkünlər Qaçqınların işləri üzrə Dövlət Komitəsinin sədri Rövşən Rzayevə hücum edərək, ondan normal mənzillə təmin edilmələrini tələb ediblər.
Binada yaşayanlardan biri bildirib ki, ilk yanğın aprelin 9-da axşam baş verib, gələn yanğınsöndürənlər yanğının qəsdən törədildiyini bildiriblər. Amma bu gün binanın damı yenidən alışıb.
Dövlət Komitəsinin sədri bildirib ki, ekspertiza yanğın baş verməsinin səbəbini müəyyən edəcək və bundan sonra qalan məsələlər həll olunacaq.
Onun sözlərinə görə, paytaxtın Nərimanov rayonunda yerləşən yataqxanada yanğın törədilib və orada iki nəfər həlak olub.
Paytaxtda 42 min köçkün ailəsi yaşayır və hamıya yeni mənzil ayırmaq mümkün deyil. "Səbrli olun", deyə Rzayev bildirib. -02/16B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz