Qadağa səbəbindən Milena Nəbiyeva və dostları ehtiyacı olanlara yardım edə bilməyəcəklər
Bakı/04.04.20/Turan: Koronavirusa qarşı mübarizə məqsədilə aprelin 5-nə keçən gecə evdən çıxmaq qadağan olduğundan Azərbaycanda gün ərzində minlərlə ölkə vətəndaşı gündəlik qazanc imkanlarından məhrum olub. Onların ailələri aclığın astanasındadır. Qadağa bu ailələrə bir neçə vətəndaş fəalı tərəfindən könüllü yardım göstərilməsini də mümkünsüz edib.
Onlardan biri də bakılı rəssam Milena Nəbiyevadır. O, oğlu və qızı həmfikirlərindən ərzaq məhsulları alır, onları evdə qutulara qablaşdırır və malları dezinfeksiyaedici maddə ilə dezinfeksiya edirlər. Evdə çalışırlar. Aprelin 5-nə qədər Milenanın bir qohumunun maşınında ərzaqları - makaron, kərə yağı, qatılaşdırılmış süd, xama - ehtiyacı olanların evlərinə çatdırıblar. Həmin şəxslərin ünvanlarını onun sosial şəbəkədəki dostları bildiriblər.
Gün ərzində şəhərin müxtəlif yerlərində - Günəşli, Əhmədli, Razin, NZS qəsəbələrində 10-15 ailəyə kömək ediblər və axşam saat 10:00-da və qayıdıblar. Aprelin 5-dək 107 qutu aparmaq mümkün olub.
Lakin bu gündən iş dayanıb, çünki polis icazəsiz küçələrə çıxanları 100 manat cərimə edir. “Mən bu pula ərzaq alaram”-, Milena Turan-ın müxbirinə deyib.
DİN avtomatlaşdırılmış sisteminə müraciət Milenanın çox vaxtını aparacaq, bu müddətdə o, bir çox insana kömək edə bilər. “Hər dəqiqə bizim üçün qiymətlidir. Səhər saat doqquzda qalxırıq, qutuları yapışdırırıq və gecəyə qədər ayaqdayıq”.
Bundan əlavə, SMS icazələri iki saat üçün keçərlidir və gündə bir dəfə verilir. İki saat ərzində ən azı iki ailəyə ərzaq qutusu göndərmək olar.
O, bəzi mağazaların ərzağı evə göndərməyə razılıq verməsindən məmnundur. Ancaq 1 kiloqram qarabaşağın qiymətinin 1 manat 59 qəpikdən 1 manat 79 qəpiyədək artırılmasından məyus olub.
Milena əlavə edib: “Kömək edən hər kəsə təşəkkür edirəm. Yoxsullara yardımda iştirak edə bilən, lakin reaksiya verməyənlər də sağ olsunlar. Kömək edənlərin sayının artması üçün bizim qrup haqda məlumatları belə öz səhifələrində yerləşdirmək istəməyiblər”.
2019-cu ilin dekabrında M.Nəbiyeva Azərbaycan rəssamlarının əsərlərindən ibarət xeyriyyə sərgisi təşkil edib. Rəsm satışından əldə olunan bütün vəsait xəstə uşaqların müalicəsinə sərf edilib. Biz bu sərgi haqda yazmışıq:
https://www.turan.az/ext/news/2019/12/free/Culture/ru/85890.htm
M.Nəbiyevanın Facebook adresi:https://www.facebook.com/mina.en.142
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz