Bakı/07.11.19/Turan: Azərbaycanın çempionu "Qarabağ" Avropa Liqasının qrup mərhələsində ikinci yerdə bərqərar olmaq şansını əldən qaçırıb.
Dördüncü mərhələdə Kiprdə yerli APOEL-ə qarşı Azərbaycan çempionu udduğu halda sonda oyunu uduzub. Matçın başlanğıcı Azərbaycanlı azarkeşləri ruhlandırıb, belə ki, hələ 10-cu dəqiqədə Maksim Medvedev baş zərbəsi ilə küncdən Dani Kintananın ötürməsini qola çevirib.
Kipr komandası 59-cu dəqiqəyə qədər heç nə edə bilməyib. Bu müddət ərzində "Qarabağ" futbolçularının hesabdakı fərqi artırmaq üçün bir neçə gözəl şansı olub. Yerli komandanın qapıçısı ən az 3 yüzfaizlik məqamda APOEL-i xilas edib.
Azərbaycan komandasının bəlaları 59-cu dəqiqədə, APOEL-in künc zərbəsindən istifadə etdikdə başlayıb. Souza baş zərbəsi ilə hesabı bərabərləşdirib. Heç-heçə ümidini 88-ci dəqiqədə effektli zərbə ilə Kipr komandasına qələbə gətirən Efrem pozub.
Qrupun paralel oyununda İspaniyanın "Sevilya" komandası Lüksemburqun "Dyudelanja" komandasına 5:2 hesabı ilə qalib gəlib.
Bu mərhələdən sonra qrupun lideri əvvəlki kimi 12 bal yığan "Sevilya"dır. "Qarabağ" və "APOEL"in hər birinin 4 xalı var. Amma əyani görüşlərin yekunlarına görə (Bakıda 2:2 və Nikosiyada 2:1) APOEL ikinci, "Qarabağ" isə üçüncü yerdədir. "Dyudelanj" üç balla dördüncü yerdədir.
Son iki mərhələdə "Qarabağ" "Dyudelanj" və "Sevilya" ilə oynayacaq.
Qrupda ilk iki yeri tutan klublar "pley-off" mərhələsinə çıxacaq. –71D-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz