Bakı/26.08.20/Turan: Azərbaycanın futbol üzrə çempionu, Ağdamın “Qarabağ” komandası öz meydançasında Moldovanın “Şerif” komandasını 2:1 hesabı ilə məğlub edərək, Çempionlar Liqasının üçüncü təsnifat mərhələsinə keçib.
Xatırladaq ki, koronavirus pandemiyas ilə əlaqədar hər təsnifat mərhələsində bir oyun keçirilir.
Ümumilikdə oyun Azərbaycan çempionunun üstünlüyü ilə keçib. Maçda hesab 22-ci dəqiqədə açılıb. Ağdamlıların komandasında ilk mövsümünü keçirən Uroş Matiç cərimə meydançasında “Qarabağ”ın ispaniyalı legioneri Hayme Romeronun yıxılmasına görə təyin edilmiş penaltini vurub.
37-ci dəqiqədə Moldova klubunun sayı azalıb. Hakim rəqib komandanın futbolçusu Anatoli Abanqa “Qarabağ”ın müdafiəçisi Bədəvi Hüseynova qarşı açıq ayağı ilə oynadığına görə birbaşa qırmızı kart böstərib.
Azərbaycan çempionları ikinci dəfə 63-cü dəqiqədə özlərini göstəriblər. Mahir Əmrəli Gerye, Matiç və Zubirin oynadığı möhtəşəm kombinasiyanı tamamlayıb.
Qonaqlar buraxılmış qollardan birinin əvəzini çıxa biliblər. 78-ci dəqiqədə əvəzə çıxan hücumçu Kastinyeda “Qarabağ”ın cərimə meydançasında topu alaraq, müdafiəçilərin müqaviməti ilə qarşılaşmadan asanlıqla dəfedilməz zərbə ilə qol vurmağa müvəffəq olub.
“Qarabağ”ın üçüncü təsnifat mərhələsindəki rəqibi avqustun 31-də keçiriləcək püşkatma zamanı müəyyən ediləcək. -71D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz