Qarabağ Komitəsi Avropa Parlamentinin Xarici İşlər Komitəsinin qanun layihəsini dəstəklədi

Bakı/19.06.20/Turan: Qarabağ İctimai Komitəsi Şərq Tərəfdaşlığı ölkələri ilə bağlı qətnamənin Avropa Parlamentində gözlənilən müzakirəsi ilə əlaqədar bəyanat yaydı.

Sənəddər: “ictimai Qarabağ Komitəsi  bildirir ki, Azərbaycan cəmiyyəti Avropa Birliyinin əsas orqanı olan Avropa Parlamentində “ Şərq tərəfdaşlığı ölkələri  -  Azərbaycan, Gürcüstan, Ukrayna, Moldova, Belarus və Ermənistanın beynəlxalq  aləm tərəfindən tanınmış sərhədlərinin qeyd- şərtsiz tanınması prinsipini  də təsbit edən qanun layihəsinin müzakirəsini diqqətlə izləyir. Göstərilən layihənin Avropa Parlamenti Xarici İşlər Komitəsində  qəbul olunan  mətndə təsdiqlənməsi Azərbaycan ictimai rəyində  “Şərq Tərəfdaşlığı Proqramın”a  pozitiv münasibətin dönməz  şəkildə möhkəmlənməsinə   və bu ictimai rəyin təsiri ilə Azərbaycan  hökumətinin ən tez bir zamanda  demokratik islahatlara dair tələblər  da daxil olmaqla həmin proqramı imzalamasına gətirib çıxarardı.

Bundan əlavə,  qanun layihəsinin təqdim olunan şəkildə təsdiqlənməsi   azərbaycan və erməni xalqlarının  sülhə hazırlanması , uzun müddətdir  davam edən müharibənin qurtarması, onlar arasında  və bütövlükdə  regionda   sülh, təhlükəsizlik və əməkdaşlıq mühitinin formalaşmasına olduqca ciddi müsbət təsir göstərər. 

Bununla əlaqədar Qarabağ Komitəsi narahatlıqla qeyd edir ki,  Ermənistan və onun   təcavüzkar , işğalçı mövqeyini dəstəkləyən qüvvvələrin həmin sənədin Azərbaycana münasibətdə ədalətli xarakterini zədələyəcək  dəyişikliklər edilməsi istiqamətində, o cümlədən Avropa Parlamenti üzvlərini şantaj etməklə  geniş miqyaslı, çoxtərəfli səyləri müşahidə olunur.  Bu pozucu, təxribatçı səylərin nəticə verməsi Azərbaycan və AB arasında münasibətlərin davam etməsi,  Azərbaycan  Avropa Birliyinin strateji maraqları üçün fəlakətli rol oynaya bilər.

Qarabağ Komitəsi ümüd edir ki, Avropa Parlamentinin   hörmətli üzvləri  göstərilən məsələ barədə ikili standartlardan uzaq, Şərq tərəfdaşlıq proqramına daxil olan ölkələrin hüququnu bərabər şəkildə nəzərə alan, xalqlar arasında sülh, təhlükəsizlik və əməkdaşlığa xidmət edən ədalətli qərar qəbul edəcəkdir”.

Qarabağ İctimai Komitəsi Qarabağ münaqişəsinin Azərbaycanın ərazi bütövlüyü çərçivəsində həllinə tərəfdar olan bir sıra ictimai və siyasi müxalifət nümayəndələrini birləşdirir.- 0-