"Qarabağ" rəqib meydançasında APOEL-ə qalib gəlib

Bakı/07.08.19/Turan: Ağdamın "Qarabağ" klubu avqustun 6-da axşam futbol üzrə Çempionlar Liqasının 3-cü təsnif mərhələsinin birinci maçında Nikosiyada Kiprin APOEL klubunu 2:1 hesabı ilə məğlub edib.

Maçda ilk real qol anını qonaqlar yaradıb. 8-ci dəqiqədə Mahir Əmrəli meydanın öz hissəsində rəqibinin səhvi nəticəsində topu ələ keçirərək, Abdella Zubiri əlverişli mövqeyə keçirib. Amma o, topa dərhal vurmayıb, kənara keçib və nəticədə zərbə güclü olmayıb və APOEL-in qapıçısı onu geri çevirib.

24-cü dəqiqədə "Qarabağ"ın kapitanı Rəşad Sadıqov və komandanın qapıçısı Vaqner bir-birini baş düşməyib və az qala avtoqol qeydə alınacaqdı.

Birinci taymın sonunda daha çox qonaqlar hücum ediblər, amma qol anı yaranmayıb.

Oyunun ikinci hissəsi APOEL-in hücumları ilə başlayıb.

50-ci dəqiqədə Tomas de Vinsenti, demək olar ki, cərimə meydançası xəttindən təhlükəli standart həyata keçirib. "Qarabağ"ın qolkiperi dirəyə yönələn topu sözün əsl mənasında barmaq ucları ilə geri çevirib.

54-cü dəqiqədə "Qarabağ"ın sürətli əks hücumu zamanı Mahir Əmrəli qapıçı ilə təkbətək qalıb və səhvsiz qol vurub.

70-ci dəqiqədə Abdella Zubir qonaqların cərimə meydançasında virtuoz driblinq nümayiş etdirərək, əvəzə çıxan Maqaye Geyeni qol mövqeyinə çıxarıb və o, hesabı ikiyə çıxarıb.

Bundan sonra "Qarabağ" bir neçə qol anına malik olub, amma onlardan istifadə etməyib.

Kipr komandası oyunun sonunda bir qol atmağa müvəffəq olub. Belə ki, artırılmış son dəqiqədə (90+5) Giorgos Merkis başı ilə küncdən qol vurub.

Qeyd etmək lazımdır ki, qələbəyə baxmayaraq, "Qarabağ"ın oyununda ciddi nöqsanlar nəzərə çarpır. KOmanda oyunçuları paslarda qeyri-dəqiqliyə yol verir, topun təhlükəli zonadan çıxarılmasında bacarıqlı deyillər. Simeon Slavçev açıq-aşkar faydasız görünürdü. Riçard Almeydanın ötürmələrində çox qüsürlar var idi. Rəşad Sadıxovun ciddi səhvləri gözə dəyirdi. Mitçel çox da yaxşı görünmürdü. Abdella Zubir çox çalışır, amma bəzən fərdi oyuna dalır və vaxtaşırı topu çox saxlayırdı.

Mahir Əmrəlini, "Qarabağ"ın yeni üzvü Hayme Romeronu, bir də Maksim Medvedev və Rail Məmmədovu və əlbəttə ki qapıçı Vaqneri müsbət tərədən qeyd etmək olar.

Cavab maçı avqustun 13-də Bakıda oynanacaq.

Komandanın oyunundakı nöqsanların aradan qaldırılacağına ümid etmək qalır. Axı pley-off-a çıxarsa, ki, bu ehtimal da yüksəkdir, "Qarabağ"ı, çox güman ki, Yunanıstanın PAOK komandası ilə rəqib meydançasında 3-cü mərhələnin birinci maçını 2:2 hesabı ilə heç-heçə başa vuran "Ayaks"la oyun gözləyir.

Avropa futbolunun qrandına layiqincə müqavimət göstərmək üçün "Qarabağ" oyunda ciddi şəkildə güclənməlidir.

Avropa kuboklarında mübarizəni daha bir Azərbaycan klubu - Bakının "Neftçi" komandası da davam etdirir.

Avqustun 8-də Azərbaycan komandası üçüncü təsnifat mərhələsinin birinci maçında Bakıda İsrailin "Bney İequda" komandası ilə oynayacaq.

Bu mövsüm "Neftçi" azarkeşlərini inamlı qələbələri ilə sevindirir. Belə ki, Avropa Liqasının birinci və ikinci mərhələlərində "Neftçi" müvafiq olaraq Moldovanın "Speransa" (3:0, 6:0) və Tulanın "Arsenal" (1:0, 3:0) klublarına qalib gəlib.

Bu qələbələr üçüncü komandanın mərhələni də keçəcəyinə və Avropa Liqasının pley-off-una çıxacağına ümid yaradır. -06D-