Qarabağda etiraz aksiyaları səngiyib

Yerevan /05.06.18/Turan: Ermənistanın baş naziri Nikol Paşinyanın Qarabağda etiraz edən sakinlərə müraciətindən sonra mitinqlərin təşkilatçıları bildiriblər ki, etiraz aksiyaları dayandırılıb.

Bu, N.Paşinyanın müraciətindən və yerli separatçıların lideri Bako Saakyanın bir neçə mülki şəxsi döyən hərbçilərin cəzalandırılacığını vəd etməsindən sonra baş tutub.

Lakin yerli mənbələr güman edirlər ki, etirazların səbəbi çox dərindir, hərbçilərin mülki şəxsləri döyməsi sosial partlayış üçün bəhanədir.

Yerli əhali özlərini ev sahibi kimi aparan, hətta polislə hesablaşmayan hərbçilərin özbaşınalığından narazıdır.

Xankəndinin mərkəzi yerli sakinlər tərəfindən iki gün blokadaya alındıqdan sonra yerli hakimiyyət Təhlükəsizlik Xidmətinin 15 xüsusi təyinatlı əməkdaşının həbs olunduğunu bildirib.

Ermənistandakı son dəyişikliklər də Qarabağda əhval-ruhiyyəyə təsir göstərib. Belə ki, adamlar küçələrə çıxaraq islahatlar aparılmasını və korrupsiyaya son qoyulmasını tələb edirlər.

Təsadüfü deyil ki, Qarabağda etiraz aksiyasında çıxış edənlərin çoxu yoxsulluqdan, emiqrasiyadan, məmur ozbaşınalığından şikayət edib.

Mitinqçilər bildiriblər ki, əgər hakimiyyət onların çoxsaylı sosial-iqtisadi tələblərini yerinə yetirməsə etiraz aksiyalarını bərpa edəcəklər.02D-

Rəy yaz

Cəmiyyət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti