Bakı/04.12.19/Turan: Bu gün səhər qatarın avtomobillə toqquşması nəticəsində iki nəfər həlak olub. Hadisə saat 9:40-da Saatlı-Becər mənzilində (Bakıdan 150 km qərbdə) baş verib.
Elektrovozun İmişli istiqamətində hərəkəti zamanı, Saatlı-Becər mənzilinin 99-cu kilometrində 54 BJ 612 dövlət nömrə nişanlı "Jiquli" markalı avtomobil dəmiryolu keçidindən keçməyə çalışıb. Maşinistin dərhal siqnal verib, əyləcə basmasına baxmayaraq, məsafə yaxın olduğuna görə toqquşmadan qaçmaq mümkün olmayıb.
Nəticədə sürücü hadisə yerindəcə, sərnişin isə xəstəxanada vəfat edib.
Faktla bağlı araşdırma aparılır, xəbəri "Azərbaycan Dəmir Yolları" QSC yayıb. -06D-
Cəmiyyət
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
Rəy yaz