![Açiq mənbələrdən foto.](https://turan.az/resized/media/2023/main/071700064394-750-500-resize.webp)
Açiq mənbələrdən foto.
Qeyri-sabit hava şəraiti sabah günortaya kimi davam edəcək
Bakı/17.07.23/Turan: Milli Hidrometeorologiya Xidməti ölkə ərazisində iyulun 17-si saat 11-ə olan mövcud hava şəraitinin açıqlayıb.
Xidmətin məlumatına görə, bəhs olunan dövrdə hava şəraiti qeyri-sabit keçib, arabir leysan xarakterli yağış yağıb, şimşək çaxıb. Ayrı-ayrı yerlərdə yağıntılar intensiv və güclü keçib.
İyulun 17-si gecə saatlarında Şahdağın 2800 metr yüksəkliklərinə qar yağıb.
Ölkə ərazisinə düşən yağıntının miqdarına gəlincə, bu, Oğuzda 34 mm, Lənkəranda 31 mm, Xaltanda 30 mm, Qrızda 26 mm, Astarada 24 mm, Qusarda 21 mm, Qəbələdə 20 mm, Qaxda 17 mm, Altıağacda 18 mm, Beyləqanda 15 mm, Bakıda və Abşeron yarımadasında 5 mm olub.
Şimal-qərb küləyi arabir Gəncə, Neftçalada 20 m/s, Ceyrançöldə 17 m/s, Bakıda və Abşeron yarımadasında 18 m/s-dək güclənib.
Neft daşları stansiyasının məlumatına əsasən, dalğanın hündürlüyü 3 metrə çatıb.
Xidmətin məlumatına görə, ölkə ərazisində müşahidə olunan qeyri-sabit yağıntılı hava şəraiti iyulun 18-i gündüzədək davam edəcək. Arabir yağış yağacağı, bəzi yerlərdə intensiv olacağı gözlənilir.
Məlumatda vurğulanır ki, iyulun 18-i gündüzdən hava şəraiti sabitləşəcək,19-20-də əsasən yağmursuz keçəcək, temperatur tədricən yüksələcək. 0
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz