Bakı//Turan: Avtobusun qəza törətməsi nəticəsində 20 nəfərin xəsarət alması faktı üzrə Xətai Rayon Polis İdarəsində cinayət işi qaldırılıb.
Hadisə yerindən qaçan sürücü saxlanılaraq cinayət məsuliyyətinə cəlb edilib. Yol qəzası yanvarın 6-da saat 17.00-a yaxın Bakının Zıx şossesində baş verib. 175 saylı marşrut xətti üzrə hərəkət edən "Daewoo" markalı 99 XM 581 dövlət qeydiyyat nişanlı sərnişin avtobusu idarəetməni itirərək dərəyə aşıb. Nəticədə 20 sərnişin müxtəlif bədən xəsarətləri alıb. Sürücü hadisə yerindən qaçıb.
Xəsarət alanlar xəstəxanaya yerləşdirilib. Onların çoxu ilkin tibbi yardımdan sonra evə buraxılıb.
Xətai Rayon Polis İdarəsində CM-in 263-1.2 (yol hərəkəti və ya nəqliyyat vasitələrinin istismarı qaydalarını nəqliyyat vasitələrini idarə etmək hüququ olmayan şəxs tərəfindən pozma, zərərçəkmiş şəxsin sağlamlığına az ağır və ya ağır zərər vurulmasına səbəb olduqda) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb, müvafiq ekspertizalar təyin edilib.
Müəyyən edilib ki, avtobusu 2012-ci il avqustun 2-də CM-in 180.2.2-ci (soyğunçuluq) maddəsi ilə məhkum olunmuş və nəqliyyat vasitələrini idarə etmək hüququ olmayan Kamran Ağayev idarə edib. O, şübhəli şəxs qismində tutularaq istintaqa cəlb olunub.
Hadisənin başvermə səbəblərinin müəyyən edilməsi, eləcə də sərnişinlərin daşınması və təhlükəsizliyi ilə əlaqədar qanunvericiliyin pozulması hallarına yol vermiş şəxlərin dairəsinin müəyyənləşdirilməsi üçün zəruri istintaq-əməliyyat tədbirləri davam etdirilir.-06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz