Bakı/24.09.18/Turan: Hazırda 2 saylı Cəzaçəkmə Müəssisəsində saxlanılan gənc fəal Qiyas İbrahimova gecə yatağında kitab oxumaq qadağası qoyulub.
Qiyas İbrahmovun anası Şura Əmiraslanova Turan-a müsahibəsində bildirib ki, oğlunun gecə yatağında fanar işığında kitab oxumasına nəzarətçilər imkan verməyib.
"Qiyasa əvvəllər bizim apardığımız kitablar buraxılmırdı. İndi isə yataq rejimi başlayandan sonra, oğlumun yatağında fanar işığında kitab oxumasına imkan vermirlər".
Onun sözlərinə görə, nəzarətçilər buna görə Qiyasa İbrahimovdan şikayət edib və onu cərimə kamerasına salıblar.
"Qiyas rəsi müavini ilə görüşüb etirazını bildirib ki, onun hüquqlarını pozurlar. Belə müdaxilələrlə oğlumu əsəbləşdirirlər. Qanuna zidd hərkətlər edirlər. Məhbusları yerli-yersiz rüşvət mənasında incidirlər. Məhbus da karsa (cərimə kamerasına) düşməmək üçün nəzarətçiyə pul verməyə məcbur olur", deyə o qeyd edib.
Ana bildirib ki, oğlunu uzun müddət cərimə kamerasında saxlayıblar.
"Oğlum səhər saat 9-dan axşam saat 7-dək ac, sussuz, ayaq üstə saxlanılıb. Bu işgəncə deyil, bəs nədir?", deyə o sual edib.
Şura İbrahimova müvafiq orqanların oğluna qarşı işgəncələrin dayandırlması üçün göstəriş verməsini istəyir.
Ana eyni zamanda beynəlxalq təşkilatlardan oğlunun saxlanma durumu ilə maraqlanmalarını xahiş edir.
Penitensiar Xidmətin İctimaiyyətlə Əlaqələr şöbəsinin rəhbəri Mehman Sadıqov Turan-a bildirib ki, cəzaçəkmə müəssisəsində məhbuslar üçün vahid daxili intizam qaydaları var.
"Daxili intizam qaydalarına görə bütün məhbuslar saat 22-dən 6-dək yatağında olmalıdır. Qiyas İbrahimov bu qaydanı pozub. Kitab oxumağa qadağa qoyulması ilə bağlı iddialar isə düzgün deyil. Əksinə, cəzaçəkmə müəssisələrində məhbusların kitab oxuması təşviq edilir", deyə o qeyd edib.
Mehman Sadıqov Qiyas İbrahimovun cərimə kamerasına salınması və işgəncəyə məruz qalması barədə xəbərin düzgün olmadığını deyib.
"İbrahimov cərimə kamerasına salınmayıb, sadəcə daxili intizam qaydalarını pozduğuna görə ona irad tutulub".
O, rüşəvtlə bağlı deyilənləri isə ümumiyyətlə təkzib edib.
"Belə faktları varsa Penitensiar Xidmətə müraciət etsinlər, ciddi tədbirlər görülsün", deyə Sadıqov qeyd edib.
NİDA Vətəndaş Hərəkatının üzvləri Qiyas İbrahimov və Bayram Məmmədov 2016-cı il mayın 10-da saxlanıblar. Onlar narkotik ittihamıyla 10 il həbsə məhkum edilib.
Amma məhkəmədə NİDA fəalları narkotik ittihamını rədd edərək, keçmiş prezident Heydər Əliyevin abidəsinin üzərində "Qul bayramınız mübarək!" yazıldığına görə həbs edildiklərini bildiriblər.
Amnesty International beynəlxalq hüquq müdafiə təşkilatı hər iki fəalı "vicdan məhbusu" elan edib. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz