![Qızların təhsildən yayındırılması erkən nikahların əsas səbəbi sayıldı](https://turan.az/resized/media/2014/main/031900073156-750-500-resize.webp)
Qızların təhsildən yayındırılması erkən nikahların əsas səbəbi sayıldı
Qadın Hüquqlarını Müdafiə Cəmiyyəti (QHMC) çərşənbə günü “Park.İNN” otelində erkən nikahlara qarşı mübarizəyə dair layihənin yekunlarına dair dəyirmi masa keçirib.
Qurumun rəhbəri Novella Cəfəroğlu haqqında bəhs edilən problemlə bağlı Astara, Lənkəran, Salyan və Şirvan şəhərlərində monitorinqlər keçirdiklərini söyləyib. Belə hallarla rastlaşıldığı vurğulanıb. 4 illik icbari təhsildən sonra qızların təhsildən yayınmasının adi hal almasına diqqət çəkilib. Qeyd edilib ki, qızların dərslərə gəlməməsilə cəmiyyət onların sonrakı taleyindən xəbərsiz qalır. Bu problemin həllində məsələnin ictimailəşdirilməsi vacib sayılıb.
Erkən nikahlarla bağlı tam rəsmi statistika olmadığı üçün bu sahədə durumun mənzərəsi aydın olmur. Valideynlər yetkinlik yaşına çatmayan qızları ərə verməkdə, hüquq-mühafizə qurumlarının təmsilçiləri belə faktlara susmaqda ittiham ediliblər. Erkən yaşda qızların ərə verilməsinə görə qanunvericilikdə cəzalar sərtləşdirilsə də, bunun hələlik müsbət təsirindən danışmağın tez olduğu nəzərə çatdırılıb. Digər tərəfdən, bu məsələdə erkən evlənmələrə nikah kəsən din xadimləri qanunlara riayət etməməkdə ittiham ediliblər.
Aparılan monitorinqlər qızların ərə verilməsinə əsas səbəblər kimi qızların təhsildən yayındırılmasını, valideynlərin övlad qarşısında məsuliyyətsizliyini, ailə-təhsil-cəmiyyət əlaqələrinin zəifliyini, ailənin ağır maddi durumunu, işsizliyi önə çəkib. Rayonlarda işsizlik valideynlərin qızlarını erkən ərə verməsində səbəblərdən biri kimi göstərilib.
Layihə icraçıları problemi aradan qaldırmaq üçün hakimiyyət orqanlarına təkliflər paketi hazırlayıblar. Bu təkliflər paketində erkən yaşda ailə qurulmasını aradan qaldırmaq üçün maarifləndirmə xarakterli tele-radio verilişlərin çoxaldılması əsas yer tutub. Bundan əlavə, orta məktəblərdə “Qızlar Şurası” yaradılması təklif edilib.
Valideynlərə erkən nikahların qanunsuzluq olması, qanuna riayət etmədikləri halda hansı cəzalarla üzləşə biləcəkləri haqda maarifləndirmə işi aparılması da təkliflər sırasında yer alıb. Bundan əlavə, bu məsələnin qadın komitəsi tərəfindən ciddi şəkildə araşdırılması, problemin aradan qaldırılması üçün kompleks tədbirlər planı hazırlanması da təklif edilib. Hazrlanmış təkliflərin aidiyyatı dövlət orqanlarına təqdim olunması nəzərdə tutulur.
Layihə Kanadanın Türkiyə səfirlyinin dəstəyilə icra edilib. -05C-
-
- Siyasət
- 19 Mart 2014 17:26
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz