Ukrayna HDQ-nin baş komandanı kontr-admiral Sergey Qayduk bu gün bir qrup zabitlə birgə Sevastopolda öz qərargah-mənzilində saxlanılıb, bu barədə “İnterfaks” məlumat yayıb.
Ukrayna Müdafiə Nazirliyinin mətbuat xidmətinin məlumatına görə, Ukrayna HDQ-nin baş komandanı “naməlum şəxslər tərəfindən naməlum istiqamətdə aparılıb”.
Mətbuat xidmətindən həmçinin qeyd ediblər ki, Ukrayna hərbi hissələrinin demək olar ki, 100%-i mühasirəyə alınıb, onların bir hissəsi ələ keçirilib. “Krıminform” agentliyinin Sevastopol prokurorluğuna istinadla yaydığı məlumata görə, Qayduk “müvəqqəti saxlanılıb, belə ki, ona suallar var”.
Bu gün 200-ə yaxın “özünümüdafiə” döyüşçüsü Sevastopolda Ukrayna HDQ-nin qərargah-mənzilini mühasirəyə alıb, daha sonra onlar qərargah ərazisinə daxil olub.
Bir müddət sonra Rusiya Qara Dəniz Donanmasının komandanı vitse-admiral Aleksandr Vitko danışıqlar aparmaq üçün Ukrayna HDQ-nin qərargahına gəlib. 15 dəqiqə sonra o, baş verənlərlə bağlı şərh vermədən gedib.
Ukrayna baş naziri Arseniy Yatsenuk baş nazirin birinci müavini Vitali Yarema və müdafiə naziri İqor Tenyuxa münaqişədə gərginliyin aradan qaldırılmasına şərait yaratmaq üçün təcili Krıma getməyi tapşırıb.
Lakin Krım separatçılarının lideri Sergey Aksenov bildirib ki, Kiyev nümayəndələri yarımadaya buraxılmayacaq. “Onları heç kim Krıma buraxmayacaq, geri göndərəcəklər”, deyə o bildirib.
Simferopolda dünənki atışmadan sonra Krımda vəziyyət gərgin olaraq qalmaqdadır. Ukrayna Müdafiə Nazirliyinin məlumatına görə, martın 18-də Ukrayna Silahlı Qüvvələrinin Baş Operativ Təminat İdarəsinin 13-cü fotoqrammetik mərkəzinə hücumu nəticəsində zabit Kakurin həlak olub. Bundan sonra idarə Ukrayna hərbiçilərinə Krımda silah tətbiq etməyə icazə verib.
Arseniy Yatsenyuk dünən bildirib ki, Krımda münaqişə Rusiyanın təqsiri üzündən siyasi mərhələdən hərbi mərhələyə keçib. Ukrayna Müdafiə Nazirliyinin müşaviri Leonid Polyakov bu gün brifinqdə bildirib ki, Ukrayna hərbiçiləri hələlik Krımı tərk etmir. -02D-
Siyasət
-
Bu gün Azərbaycan prezidenti İlham Əliyevin iştirakı ilə Bakıda əsaslı yenidənqurma, tikinti və genişləndirmə işlərindən sonra Mərkəzi Nəbatat Bağının açılışı keçirilib, bu barədə xəbər dövlət başçısının saytında yerləşdirilib.
-
28 noyabr 2024-cü il tarixində Polşanın Azərbaycandakı müvəqqəti işlər vəkili Mixal Qreçilo Xarici İşlər Nazirliyinə çağırılıb.
-
Bakı Ağır Cinayətlər Məhkəməsində Kamran Muxtarovun sədrliyi ilə narkotik vasitələrin qanunsuz dövriyyəsində ittiham olunan ictimai fəal Zəka Mirağayevin işi üzrə proses başa çatıb.
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
Rəy yaz