Açiq mənbələrdən foto.
Bakı/10.08.21/Turan: Bu gün şiə müsəlmanların matəm ayı olan Məhərrəm ayı başlayır. Bununla əlaqədar Qafqaz Müsəlmanları İdarəsinin Qazılar Şurası Azərbaycan dindarlarına müraciət edərək, onları tədbirləri xüsusi karantin rejiminin tələblərini nəzərə almaqla keçirməyə çağırıb.
Qazılar Şurası və Qafqaz Müsəlmanları İdarəsinin səlahiyyətli nümayəndələri bu il Məhərrəmlik dövründə məscidlərdə və ibadətgahlarda mərasimlərin karantin qaydalarına uyğun keçirilməsini tövsiyə edir, deyə QMİ-nin müraciətində bildirilir.
Məhərrəm ayı müsəlman təqviminin ilk ayı, Quranda bəhs edilən dörd haram aydan biridir.
Bu ayın 10-cu günü Aşura günüdür. 680-ci ildə Aşura günü imam Hüseynin kiçik dəstəsi Kərbəla şəhəri yaxınlığında Əməvilərlə qeyri-bərabər döyüşdə şəhid olub. Həmin vaxtdan etibarən imam Əlinin (şiəliyin banisi) tərəfdarları Aşuranı ümumi matəm kimi qeyd edirlər.
Azərbaycanda adətən Məhərrəm ayında təmtəraqlı tədbirlər, toylar, nişanlar keçirilmir. -06D-
Cəmiyyət
-
Azərbaycanın milli aviadaşıyıcısı AZAL noyabrın 30-dan Bakıdan Təl-Əvivə və geriyə uçuşları bərpa edir.
-
"Ünvanlı sosial yardım, ümumiyyətlə, dünyanın heç bir yerində bu praktika ömürlük mərhələ deyil. Bu, keçid bir layihədir". Bunu Milli Məclisin Əmək və sosial siyasət komitəsinin sədri Musa Quliyev noyabrın 28-də keçirilən komitə iclasında bildirib.
-
Noyabrın 30-da Bakıda və Abşeronda hava tutqun olacaq, səhər və axşam çiskin gözlənilir. Şimal-qərb küləyi əsəcək. Havanın temperaturu gecə müsbət 7 + 9, gündüz müsbət 9 + 11 dərəcə olacaq. Rütubət 70-80 faiz olacaq.
-
“Qarabağ” futbol klubu noyabrın 28-də Avropa Liqasının əsas mərhələsinin ev oyununda Fransanın “Lion” komandas;na böyük hesabla - 1:4 uduzub.
Rəy yaz