Qobustan həbsxanasında dini fəalların aclıq aksiyası
Bakı/04.02.19/Turan: "Müsəlman Birliyi" hərəkatının rəhbəri Taleh Bağırzadə və bu hərəkatın fəalı Abbas Hüseyn (Hüseynov) Qobustan həbsxanasında aclıq aksiyası keçirir.
Bu barədə Siyasi Məhbus Ailələri Mərkəzinin üzvü, AXCP sədr müavini Fuad Qəhrəmanlının həyat yoldaşı Zümrüd Yağmur Abbas Hüseynin ailəsinə istinadla bildirib.
"Abbas Hüseyn Qobustandadır. Orada Taleh Bağırzadə beşinci, Abbas Hüseynov ikinci gündür ki, aclıq edir. Onlara qarşı təzyiq və işgəncələr davam edir. Doğmaları bildiriblər ki, Abbas bu barədə telefonla məlumat verdikdə belə ona təzyiq göstərilib və telefonun dəstəyi əlindən alınaraq, danışmasına imkan verilməyib", deyə Yağmur qeyd edib.
Onun sözlərinə görə, Bağırzadəni telefonla danışmaq imkanından, hamamda çimmək hüququndan məhrum ediblər.
Məhkumlar bildirirlər ki, işgəncələrə şəxsən həbsxana rəisi Aftandil Ağayev rəhbərlik edir.
Bir müddət əvvəl Bağırzadə yerli və beynəlxalq təşkilatlara, sosial şəbəkə fəallarına, Demokratik Qüvvələrin Milli Şurasına Qobustan həbsxanasında məhkumlara qarşı repressiyalara biganə qalmamaq çağırışı ilə müraciət edib.
Bağırzadə və Hüseyn 2016-cı ilin noyabrında Nardaranda xüsusi əməliyyat zamanı həbs ediliblər və terrorizm və digər ağır cinayətlərdə ittiham olunaraq, 20 il müddətinə azadlıqdan məhrum ediliblər.
Yerli hüquq müdafiəçiləri onları siyasi məhbus kimi tanıyıb. -06B-
-
- Siyasət
- 4 Fevral 2019 18:23
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz