Qohumları aclıq edən siyasi məhbuslara təzyiqlərin olduğunu bildirirlər
Bakı/17.01.19/Turan: 13 saylı koloniyada aclıq edən siyasi məhbuslar İlkin Rüstəmzadə, Elçin İsmayıllı, Əhsən Nuruzadə və Bayram Məmmədovun aclığı dayandırması üçün təzyiq göstərilir. Bu barədə Siyasi Məhbusların Müdafiə Mərkəzinin koordinatoru Oqtay Gülalıyev məhbusların qohumlarına istinadən bildirib.
"Fəalları hədələyirlər ki, aclığı dayandırmasalar Mehman Hüseynovla olduğu kimi, onlara da yeni cinayət işi açıla bilər, onları vərəm zonasına göndərə bilərlər. Qırmızı Xaç Komitəsinin nümayəndələrinin onları ziyarət etməsinə baxmayaraq, təzyiq davam edir", - hüquq müdafiəçisi bildirib.
Sözügedən şəxslər bloger Mehman Hüseynovun və digər siyasi məhbusların azadlığa buraxılması tələbilə yanvarın 13-dən aclıq edirlər.-06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz