Bakı/11.01.19/Turan: Gürcüstanın ardınca Ermənistanda da "donuz qripi" (H1N1) ilə bağlı ölüm hadisəsi qeydə alınıb. Bu barədə bu gün ölkənin Səhiyyə Nazirliyi məlumat yayıb.
Hazırda qripə yoluxanların sayı 1200 nəfəri keçib. Onların 700-ü xəstəxanaya yerləşdirilib.
Bundan öncə Gürcüstanın Səhiyyə Nazirliyi ilin əvvəlindən 15 nəfərin "donuz qripi"ndən öldüyünü bildirib.
Gürcüstanın baş nazirinin qərarı ilə qripə qarşı "Tamiflyu" preparatı ölkə vətəndaşlarına pulsuz veriləcək.
Bundan əlavə, qrip ilə bağlı təxirəsalınmaz ambulator müalicə hamı üçün pulsuz olacaq.
"Xəstələyin artdığı dönəmdə yanvarın 12-dən təxirəsalınmaz ambulatoriyanın maliyyələşdirilməsini dövlət öz üzərinə götürür", - Gürcüstanın Səhiyyə Nazirliyi bildirib.
Azərbaycan hakimiyyəti bildirir ki, ölkə ərazisində bir qrip virusu yoxdur və potensial xəstələrin müalicəsi üçün tədbirlər görülür. Lakin hazırda profilaktik tədbirlər Gürcüstandan Azərbaycana gələn nəqliyyata baxışdan ibarətdir.
Nəzərə alsaq ki, Azərbaycan vətəndaşları ən çox Gürcüstana səfər edirlər, virusun yayılma riskinin dərəcəsini təsəvvür etmək çətin deyil.
Analoji vəziyyət Türkiyədə də yaranıb, ölkədə "donuz qripi" xəstəliyi halları qeydə alınıb.-02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz