Luiz Muşikavabo
BFT-in yeni rəhbəri vəzifəsinin icrasına başladı
Bakı/11.01.19/Turan: 2019-cu il yanvarın 3-də Ruandanın Xarici İşlər Nazirliyinin və Beynəlxalq əməkdaşlığın keçmiş rəhbəri Luiz Muşikavabo, Beynəlxalq Frankofoniya Təşkilatının (BFT) Baş katibi vəzifəsinə 4 il müddətinə təyin edilib. Yeni katibin təyin olunması fransız dilli ölkələrin Parisdə yerləşən Beynəlxalq Təşkilatının qərargahında baş tutmuşdur. Bu barədə Fransanın Azərbaycanda ki səfirliyi xəbər yayıb.
"Mən BFT-nin komandası ilə görüşü çox səbirsizliklə gözləyirdim və əminəm ki, biz Frankofoniya dövlət başçılarının prioritetlərinə effektiv şəkildə cavab vermək üçün həmrəylik və daimi dialoq ruhunda çalışmağa davam edəcəyik ", - xanım Muşikivabo öz çıxışında bildirdi.
Luiz Muşikivabo dünyanın fransız dilli ölkələrinin beynəlxalq əməkdaşlıq üzrə təşkilatının Baş katibi vəzifəsini tutan dördüncü şəxsdir. Onun sələfləri müxtəlif illərdə Mikaella Jan (2015-2018), Abdu Diuf (2003-2014) və Butros Butros-Gali (1998-2002) olublar.
BFT 88 dövləti və hökuməti birləşdirir. Bunlardan 54 ölkə, 7 assosiativ üzv və 27 müşahidəçi ölkədir.
"Frankofoniya" yalnız beş qitədə yaşayan, 300 milyon insanı bir araya gətirən bir anlayış deyil. XX-ci əsrin ilk onilliklərində fransız dilli insanların sayının artması ilə əlaqədar ümumi bir dil məkanının mövcudluğunun dərk edilməsi yaranıb. O vaxtdan bəri frankofonlar müxtəlif qruplarda cəmləşməyə başladılar. Bunlar fransız dilində yazan müəlliflər, alimlər, jurnalistlər, hüquqşünaslar, sahibkarlar, QHT nümayəndələri və əlbəttə ki, müəllimlərin peşəkar icmalarıdır. BFT-yə qoşulmaq üçün əsas meyar müəyyən bir ölkənin əhalisinin fransız dilində danışması deyil, Fransa ilə əlverişli bağların qurulmasıdır. Bunlar qarşılıqlı mədəni mübadilə, insan hüquqlarına hörmət prinsiplərinə riayət və gender bərabərliyinə kömək edən əlaqələrdir.
-
- Cəmiyyət
- 11 Yanvar 2019 17:33
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz