Bakı/03.11.17/Turan: Ağdamın "Qarabağ" klubunun məşqçisi Qurban Qurbanov futbol üzrə Azərbaycan milli yığmasının baş məşqçisi təyin edilib.
Bu qərarı bu gün AFFA-nın (Azərbaycan Futbol Federasiyaları Assosiasiyası) icra komitəsi yekdilliklə qəbul edib.
Qurbanov altı il müddətinə yığma komandaya cəlb edilib və bu müddət milli komandanın 2020 və 2024-cü illər Avropa və 2018-ci il dünya çempionatına hazırlanmasını əhatə edəcək.
Qurbanov yığma komandada işə 2018-ci ilin yanvarında başlayacaq və bu vəzifədə Xorvatiyalı mütəxəssis Robert Prosineçkini əvəz edəcək.
Eyni zamanda, Qurbanov "Qarabağ"ın baş məşqçisi olaraq qalır.
Qurbanov Azərbaycanın ən çox uğur əldə edən məşqçisidir.
Onun rəhbərliyi altında "Qarabağ" ardıcıl olaraq üç sezon Avropa Liqasının qrup turnirinə keçib, bu il isə Çempionlar Liqası qrupuna keçib, burada Madridin "Atletiko" komandası kimi nəhənglə iki oyunu heç-heçə başa vurmaqla Avropa futbol ictimaiyyətinin diqqətini cəlb edib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz