Bakı/14.06.17/Turan: Nəqliyyat, Rabitə və Yüksək Texnologiyalar Nazirliyi üç həftə sonra Turan agentliyinin direktorunun Bakıda IV İslam Həmrəyliyi Oyunlarının keçirildiyi dövrdə pulsuz Skype, WhatsApp messencerlərinin işləməsində yaranmış problemlərin səbəblərini açıqlamaq xahişi ilə göndərdiyi sorğuya cavab verib.
24 may tarixli məktuba 13 iyun tarixində nazir müavini Əli Abdullayev cavab verib. Baxmayaraq ki, qanunvericilikdə bunun üçün 7 iş günü ayrılır.
Məktubda qeyd edilirdi ki, İslamiada başladıqdan sonra audio və videoəlaqələrdə problemlər yaranıb, xüsusən, beynəlxalq trafikin keyfiyyəti pisləşib.
Turan agentliyinin müraciətində aşağıdakı suallar qoyulmuşdu:
Nazirlik Skype, WhatsApp əlaqələrində keyfiyyətin pisləşdiyini qeydə alıbmı?
Skype, WhatsApp-ın keyfiyyətinin enməsi ilə bağlı nazirlik və ya digər qurum qərar qəbul edibmi?
Skype, WhatsApp rabitəsinin keyfiyyətinin pisləşməsi ilə bağlı şikayətlər daxil olubmu?
Nazirlik texniki problemlərin aradan qaldırılması və Skype, WhatsApp-ın iş keyfiyyətinin yaxşılaşdırılması üçün hansı tədbirləri həyata keçirir?
Rabitə Nazirliyinin cavabında deyilir ki, İslam Oyunlarının təhlükəsizlik tədbirlərinin tərkib hissəsi olaraq müvəqqəti olaraq internet şəbəkəsi üzərindən təşkil olunan telekommunikasiya xidmətlərinə (Skype, WhatsApp, Viber və s.) məhdudiyyətlərin tətbiqi səsli və görüntülü onlayn kommunikasiya proqramlarının istifadəsində müəyyən çətinliklər yaradıb.
Belə ki, həmin dövrdə aparılan bir çox profilaktik tədbirlərin sırasında şəbəkənin sazlanması işləri də həyata keçirilib. Hazırda texniki yeniləmə işləri tam başa çatıb və vətəndaşların bu kommunikasiya proqramlarından yerli və beynəlxalq əlaqələr üçün istifadə imkanları bərpa olunub.
Nazirlik iyunun 3-də bu məsələ ilə bağlı ictimaiyyətə məlumat verdiyini qeyd edir.
Rabitə və Yüksək Texnologiyalar Nazirliyi Azərbaycan prezidentinin sərəncamı ilə Nəqliyyat, Rabitə və Yüksək Texnologiyalar Nazirliyi olaraq dəyişdirilsə də, idarənin rəsmi blankında nazir müavininin imzaladığı məktubda nazirliyin adı əvvəlki kimi yazılıb. -06D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz