Bakı/26.07.18/Turan: Reportyorların Azadlıq və Təhlükəsizlik İnstitutu (RATİ) Azərbaycan hakimiyyətini bu hüquq müdafiə qurumunun idarə heyətinin sədri Mehman Hüseynovu dərhal həbsdən azad etməyə və ona ağır vəziyyətdə olan anası Firəngiz Hüseynovaya baş çəkmək və onun sağlamlığının qayğısına qalmaq imkanı yaratmağa çağırır.
"Yaşlı ananın birlikdə yaşadığı yeganə yaxın ailə üzvü olan və heç bir günahı olmayan oğlunun həbsi ilə bağlı keçirdiyi daimi stress onun səhhətinin kəskin pisləşməsi, iyulun 15-də isə kollapsla nəticələnib. Korrupsiya ilə bağlı yazan tanınmış jurnalist və hüquq müdafiəçisinin kliniki ölüm keçirən anası bu günə kimi reanimasiya şöbəsindədir", deyə RATİ-nin bəyanatında bildirilir.
Mehman Hüseynovun vəkillərinin və özünün Azərbaycan hakimiyyətinə 10 gündən çoxdur xəstəxanada olan və süni həyat aparatına qoşulan, huşsuz vəziyyətdə olan 71 yaşlı anasını görmək üçün imkan yaradılması ilə bağlı müraciətinə baxmayaraq, hakimiyyət bu günə qədər jurnalisti buraxmaqdan imtina edir.
2017-ci il martın 3-dən həbsxanada olan və 2 il həbs cəzasına məhkum edilən Mehman Hüseynovu hətta müvəqqəti azad etməkdən imtina edən Azərbaycan hakimiyyəti məqsədyönlü şəkildə opponentlərini və Azərbaycan cəmiyyətini qorxudur, nümayişkaranə şəkildə repressiya yolundan çəkinməyəcəyini göstərir, deyə RATİ-nin bəyanatında qeyd edilir.
RATİ həmçinin Avropa İttifaqı ölkələrinin, ABŞ və Kanada hökumətlərini insan hüquqlarının pozulmasına və korrupsiyaya görə Azərbaycan hökumətinin yüksək vəzifəli üzvlərinə və onların ailə üzvlərinə qarşı sanksiyalar tətbiq etməyə çağırıb.
RATİ Azərbaycan hakimiyyətindən öz tənqidçilərinin və onların ailə üzvlərinin təqibinə son qoymağı, jurnalistlər Mehman Hüseynov, Əfqan Muxtarlı, Seymur Həzi, Nicat Əliyev, Araz Quliyev, Fikrət İbişbəyli, Elçin İsmayıllı, Ziya Əsədli və Ərşad İbrahimov, blogerlər Rəşad Ramazanov və İlkin Rüstəmzadəni, qrafiti fəalları Qiyas İbrahimov və Bayram Məmmədovu, habelə satirik şair Tofiq Həsənovu dərhal və qeyd-şərtsiz azad etməyi tələb edir. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz