İkram Rəhimoğlu. Açiq mənbələrdən foto.
Realliq.info saytının həbs edilmiş redaktoru ön cəbhəyə getmək istəyir
Bakı/30.09.20/Turan: 2018-ci ildə həbs edilmiş realliq.info saytının rəhbəri İkram Rəhimoğlu döyüş əməliyyatları zonasına göndərilməsi xahişi ilə dövlət başçısı İlham Əliyevə müraciət edib.
O, Turan-ın müxbiri ilə söhbətində öz qərarını işğal edilmiş ərazilərin azad edilməsinə töhfə vermək arzusu ilə əsaslandırıb.
“Mən ehtiyatda olan zabitəm, ölkəmiz üçün bu taleyüklü zamanda kənarda qalmaq istəmirəm”, deyə o, telefonla Turan agentliyinə bildirib.
Xatırladaq ki, Rəhimoğlu 2018-ci ilin oktyabrında dövlət başçısının o vaxtki köməkçisi Əli Həsənovun ünvanına açıq tənqid məktubu dərc etdikdən sonra həbs edilib.
2018-ci il iyunun 12-də o, 5,5 il müddətinə azadlıqdan məhrum edilib. Rəhimoğlu etiraz əlaməti olaraq aclıq aksiyasına başlayıb, aksiyanı 30-cu gündə - sentyabrın 5-də dayandırıb.
Sentyabrın 18-də Apellyasiya Məhkəməsi Rəhimoğlunun hədə yolu ilə pul almaqda günahını təsdiqləyib, lakin CM-in 62-ci maddəsini (qanunla nəzərdə tutulduğundan az müddətli cəza) tətbiq edərək, həbs cəzasını 3 ilədək azaldıb.
Bir sıra beynəlxalq jurnalist təşkilatları İ.Rəhimoğlu barəsində hökmü pisləyiblər. -06D-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz