Bakı/27.12.19/Turan: Paster ləqəbi ilə tanınan reper Pərviz Quluzadə inzibati qaydada 30 sutka həbs edilib.
DİN mətbuat xidmətinin məlumatına görə, dekabrın 26-da o, Bakının Binəqədi rayonunda narkotik maddənin təsiri altında ictimai asayişi pozub və polisin qanuni tələbinə tabe olmayıb.
Binəqədi Rayon Məhkəməsi onu təqsirli bilərək 30 sutka həbs edib.
Sosial şəbəkələrdə yayılan məlumatlara görə, reper 4 gün öncə saxlanılaraq DİN Baş Mütəşəkkil Cinayətkarlıqla Mübarizə İdarəsinə aparılıb və orada fiziki təzyiqlərə məruz qalıb.
Həmin mənbələrə görə, həbsə onun son vaxtlar çəkdirdiyi klip səbəb olub. Reper klipdə ölkədəki atmosferi, korrupsiyanı və hakimiyyətin özbaşınalığını tənqid edib.-03B-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz