RF vətəndaşları Milli Məclisin binası qarşısında piket keçiriblər

Bakı/06.12.19/Turan: Rusiya vətəndaşlığı olan iki ailə Milli Məclisin binası qarşısında piket keçirib.

Mavlon Şodiyev və Larisa Yevqonova Turan ilə söhbətdə deyiblər ki, öz avtomobilləri ilə Azərbaycana gəliblər, lakin gömrük baxışından keçərkən əmlakın bəyan edilməsi zamanı gömrükçülərə öz dəyərli əşyalarını verərkən onlar tərəfindən aldadılıblar.   Sonra Bakıda həkim onları aldadıb. Onlar Azərbaycanı tərk edə bilmirlər, çünki Gömrük xidmətinin məlumat bazasında borclu kimi keçirlər. Ailə prezidentə, prokurorluğa, RF səfirliyinə müraciət edib, lakin kömək olmayıb. Yaşamaq üçün vəsait yoxdur, Bakıda müvəqqəti olaraq yaşadıqları evin qonşusu onları yeməklə təmin edir.

İkinci ailə - Gülnarə Hüseynova azyaşlı qızı ilə Rusiyada qeydiyyatdan çıxıb və Bakıya həyat yoldaşının yanında yaşamağa gəlib.  Lakin Azərbaycanda ona vətəndaşlıq vermirlər. Bürokratik əngəllər səbəbindən Gülnarə işə düzələ bilmir, qızını məktəbə qəbul etmirlər.  Həyat yoldaşı vəfat edib, qadın vətəndaşlığı olmadığına görə pensiya və müavinət ala bilmir.

Gülnarə birinci vitse-prezident Mehriban Əliyevaya şikayətlə müraciət edib, lakin yardım almayıb. Ona məhkəməyə müraciət etməyi tövsiyə ediblər. RF səfirliyi keçmiş Rusiya vətəndaşının taleyilə bağlı məsələdə iştirak etmək istəmir. 

Gülnarə Milli Məclisdən onlara maliyyə yardımının göstərilməsini və vətəndaşlıq almasına yardımçı olmağı xahiş edir, belə ki, ailənin yaşamaq üçün vəsaiti yoxdur.–0—

 

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti