Müsavat Partiyasının Məclis üzvü və "Basta" saytının əməkdaşı Rüfət Baxışbəyli iyunun 17-də günorta saatlarında sərbəst buraxılıb. O, bütün gecəni Yasamal rayon polis idarəsinin növbətçi hissəsində keçirib.
Rüfət Baxışbəyli polisə aparılmasının yazıları ilə bağlı olduğunu təsdiqləyib. O, işgəncəyə məruz qalmadığını bildirib.-0-
* * *
2018 İyun 17 (Bazar) 14:15:13
Müsavatçının hara aparıldığı bəlli deyil
Bakı/17.06.18/Turan: Müsavat Partiyasının Məclis üzvü və "Basta" saytının əməkdaşı Rüfət Baxışbəylinin iyunun 16-da saxlandığı bildirilir.
Ancaq onun yerinin bilinmədiyi qeyd edilir.
Bu haqda "Basta"nın baş redaktoru Mustafa Hacıbəyli danışıb.
Mustafa Hacıbəyli bildirib ki, Rüfət Baxışbəylinin qeydiyyatda olduğu Masallı rayonunun Polis Şöbəsi ilə də əlaqə axlayıblar, ancaq onun orda olmadığını söyləyiblər:
"Rüfət Baxışbəylini mülki geyimlilər Hökməli kəndində kirayədə yaşadığı evindən aparıblar. Onlar özlərini Yasamal polisinin əməkdaşı kimi təqdim ediblər, evdə axtarış da aparıblar. Ancaq əlaqə saxladığımız Yasamal Rayon Polis İdarəsindən də Rüfət Baxışbəylinin orda olmadığını dedilər. Çox qəribədir ki, Abşeron Rayon Polis İdarəsindən də ( Hökməli kəndi Abşeron rayonundadır) onun orda olmadığını bildirdilər".
Mustafa Hacıbəyli güman edir ki, istirahət günü olduğundan ( Bu gün iyunun 17-i bazar günüdür-r) gün ərzində Rüfət Baxışbəyli haqda məlumat ala bilməyəcəklər.
O, Rüfət Baxışbəylinin hüquqlarını vəkil Osman Kazımovun müdafiə etdiyini bildirib.
Müsavat Partiyası rəhbərliyi hesab edir ki, Rüfət Baxışbəyli siyasi fəaliyyəti ilə bağlı saxlanıb.
Ancaq bütün bu deyilənlərə, hələlik, nə Daxili İşlər Nazirliyindən, nə də başqa rəsmi qurumlardan münasibət almaq mümkün olub. Rəsmilər bundan əvvəl bir qayda olaraq insanların Azərbaycanda siyasi fəlaiyyətlərinə görə təqib edilməsi ilə bağlı deyilənləri qəbul etməyiblər.-06D--
Cəmiyyət
-
Ötən həftə ərzində hüquq müdafiəçisi Rüfət Səfərov, MeydanTV internet televiziyası ilə əməkdaşlıq edən altı jurnalist və onların bəzi yaxınları həbs olundular. Üstəlik, siyasi şərhçi Azər Qasımlı da saxlandı. O, hədə-qorxu ilə tələb etmədə, qalanları isə qaçaqmalçılıqda şübhəli sayılır.
-
Lahıcda Vətəndaş A filminin çəkilişləri zamanı İctimai Televiziyanın çəkiliş qrupuna məxsus dron qəzaya uğrayıb. Əvvəlcə filmin operatoru dronun Azərbaycan sərhədçiləri tərəfindən vurulduğunu iddia etsə də, prodüser bu açıqlamanı təkzib edərək dronun onun səhvi ucbatından qayaya çırpıldığını bildirib.
-
Dekabrın 10-da tutqun hava şəraiti davam edəcək. Gecə yağış yağa bilər. Şimal-şərq küləyi gündüz cənub-şərq küləyinə keçəcək. Havanın temperaturu gecə müsbət 5 +7, gündüz müsbət 7 + 10 dərəcə olacaq. Rütubət 60-70 faiz olacaq.
-
Lider mobil operator milli mətbuat nümayəndələrinin peşəkar bacarıqlarının artırılmasına yönəlmiş növbəti təşəbbüsünü həyata keçirir 6 dekabr rabitə və informasiya texnologiyaları işçilərinin peşə bayramında lider mobil operator jurnalistlərin rəqəmsal savadlılığının artırılmasına yönəlmiş xüsusi təlim təşkil etdi. Beynəlxalq təlim şirkəti tərəfindən keçirilən kurs çərçivəsində media nümayəndələrinə ən yeni media tendensiyalar və qabaqcıl texnologiyalar barədə geniş məlumat təqdim edildi.
Rəy yaz