Rusiyadan Azərbaycana qayitmaq istəyən hər bir vətəndaş maneəsiz ölkəsinə buraxilmalidir

Petisiyanı buradan imzalayın http://chng.it/CcQ57L7h7g

Azərbaycan Respublikasının Prezidenti İlham Əliyevə 
Rusiya Federasiyasının Prezidenti Vladimir Putinə
BMT Baş katibi Antoniu Quterreşə
Beynəlxalq Miqrasiya Təşkilatının baş direktoru Antonio Vitorinoya
Beynəlxalq Əmək Təşkilatının Baş direktoru Qay Rayderə
Avropa Şurasının Baş katibi Mariya Peyçinoviç Buriçə
ATƏT-in baş katibi Tomas Qremingerə
ATƏT-in Demokratik Təsisatlar və İnsan Haqları Bürosunun direktoru İngibyorq Solrun Gisladottirə
BMT-nin İnsan Hüquqları üzrə Ali Komissarı Mişel Baçeletə
Avropa Şurasının İnsan Hüquqları üzrə komissarı Dunya Miyatoviçə
Ümumdünya Səhiyyə Təşkilatının Baş direktoru Tedros Adhanom Qebreyesusa
BMT-nin Miqrantlarin İnsan Hüquqları üzrə Xüsusi məruzəçisi Felipe Qoszales Moralesa
Avropa Şurasının Miqrantlar və Qaçqınlar üzrə xüsusi nümayəndəsi Draqoslav Ştefaneka

Hörmətli xanımlar və cənablar 

Rusiya ilə Azərbaycanın quru sərhədində humanitar böhran yaranıb, koronavirus pandemiyası səbəbindən Rusiyada işlərini itirmiş və vətənlərinə qayıtmaq arzusunda olan minlərlə azərbaycanlı əmək miqrantı çətin vəziyyətə düşüb – onları sadəcə olaraq öz ölkələrinə buraxmırlar. Onlara təcili olaraq sizin köməyiniz lazımdır. 
 
Azərbaycan vətəndaşları öz səyləri hesabına, dövlətdən nəqliyyat təxliyəsi istəmədən ölkələrinin sərhəddinə çatıblar, lakin Azərbaycan hakimiyyəti xüsusi karantin rejiminin olduğunu əsas gətirərək onları ölkəyə buraxmaqdan imtina edir. 
 
Azərbaycanın xahişi ilə Rusiya qanunsuz olaraq minlərlə Azərbaycan vətəndaşını saxlayır və onları hətta Azərbaycanla sərhəd olan neytral əraziyə buraxmır. 
 
Hazırda Rusiyada Azərbaycandan olan 700 minə yaxın əmək miqrantı rəsmi qeydiyyatdadır, onların 20 faizi iş yerlərini itirib və koronavirus pandemiyasının başa çatmasını gözləmək üçün Azərbaycandakı evlərinə qayıtmaq istəyir.
 
Artıq Dağıstan Respublikasında 10 minə yaxın insan toplanıb,  onlardan 1000-ə yaxını xüsusi yaradılmış çadır şəhərciyində çətin şəraitdə yaşayır, 300-ə yaxını isə gecəni açıq havada, insan ləyaqətini alçaldan şəraitdə keçirir.
Ən çətin vəziyyətdə qadınlar, uşaqlar və qocalardır.

İyunun 15-də iki aydan artıqdır ümidsizcəsinə geri dönmək probleminin həllini gözləyən 500-ə yaxın əmək miqrantının keçirdiyi etiraz aksiyası Rusiya hüquq-mühafizə orqanları tərəfindən vəhşicəsinə dağıdılıb. 
200-ə yaxın Azərbaycan vətəndaşı müxtəlif dərəcəli fiziki xəsarətlər alıb, 100-ə yaxın insan saxlanılıb, onlardan 90-ı inzibati qaydada həbs edilib, 10 Azərbaycan vətəndaşına qarşı cinayət işi açılıb.

Etirazdan sonra Azərbaycan hakimiyyəti həftəlik keçid kvotasını 120 nəfərdən 250 nəfərə artırdı və ayda 1000 nəfərə çatdırdı. 
Nəzərə alsaq ki, Rusiyadakı 150 minə yaxın azərbaycanlı əmək miqrantı işlərini və dolanışıqlarını tamamilə itirib və qısa müddətdə evlərinə qayıtmaq istəyir, miqrasiya böhranı daha da ağırlaşacaq.

Koronavirusun yayılmasının mümkün ikinci, üçüncü və dördüncü dalğasının miqrantların vəziyyətini daha da pisləşdirə biləcəyi gözlənilir.
 
Birləşmiş Millətlər Təşkilatına, Avropa Şurasına, Avropada Təhlükəsizlik və Əməkdaşlıq Təşkilatına və Beynəlxalq Miqrasiya Təşkilatına üzv olan Azərbaycan hökuməti öz vətəndaşlarını ölkəyə buraxmayaraq beynəlxalq öhdəliklərini, Azərbaycan Konstitusiyasını və milli qanunvericiliyini, gəmçinin vətəndaşları qarşısında öhdəliklərini pozur. 
 
BMT Təhlükəsizlik Şurasının daimi üzvü, Avropa Şurasının və ATƏT-in üzvü olan Rusiya hakimiyyəti Azərbaycan vətəndaşlarını öz ərazisindən buraxmamaqla beynəlxalq öhdəliklərini, Rusiya Federasiyasının Konstitusiyasını və qanunlarını pozur.
 
Azərbaycan bütün Azərbaycan Respublikası vətəndaşlarının ortaq və bölünməz vətənidir. Azərbaycan Konstitusiyasında (28-ci maddənin 4-cü bəndi) deyilir: - Azərbaycan Respublikası vətəndaşı istənilən vaxt öz ölkəsinə maneəsiz qayıtmaq hüququna malikdir.
 
Rusiya Federasiyasının Konstitusiyasında (27-ci maddənin 4-cü bəndi) deyilir: – hər kəs Rusiya Federasiyasını sərbəst şəkildə tərk edə bilər. 
 
İnsan hüquqlarının və əsas azadlıqların müdafiəsi haqqında Konvensiyanın 4-cü Protokolunda (3-cü maddənin 2-ci bəndi) deyilir: - Heç kim vətəndaşı olduğu dövlətin ərazisinə daxil olmaq hüququndan məhrum edilə bilməz.
 
BMT-nin Mülki və Siyasi Hüquqlar haqqında Beynəlxalq Paktında (12-ci maddənin 12 2-ci bəndində) deyilir: Hər kəs öz ölkəsi də daxil olmaqla istənilən ölkəni tərk etmək hüququna malikdir. (4-cü bənd) Heç kim öz ölkəsinə giriş hüququndan məhrum edilə bilməz.
 
BMT-nin Ümumdünya İnsan Hüquqları Bəyannaməsində (13-cü maddənin 2-ci bəndi) deyilir - Hər kəs hər hansı bir ölkəni, o cümlədən öz ölkəsini tərk etmək və ölkəsinə qayıtmaq hüququna malikdir. 
 
ATƏT-in 1989-cu il Vyana yekun sənədində deyilir -  İştirakçı dövlətlər hər kəsin hər bir dövlətin sərhədləri daxilində sərbəst hərəkət və yaşayış azadlığı hüququna və hər hansı bir ölkəni, o cümlədən öz ölkələrini tərk etmək və ölkələrinə qayıtmaq hüququna hörmətlə yanaşacaqlar.
 
BMT Baş Assambleyasının 2016-cı ildə qəbul etdiyi qaçqın və miqrantlarla bağlı Nyu-York Bəyannaməsindəbildirilir ki, hər kəsin ölkəsinə qayıtmaq hüququ var. Dövlət vətəndaşlarını təhlükəsizlik mühitində, ləyaqətə hörmət və humanizm şəraitində, insan hüquqlarına tam hörmətlə, beynəlxalq hüquqa normalarına uyğun olaraq geri qəbul etməyə borcludur. 
 
1990-cı ildə BMT Baş Assambleyasının qətnaməsi ilə qəbul edilmiş bütün əmək miqrantlarının və onların ailə üzvlərinin hüquqlarının müdafiəsi haqqında beynəlxalq konvensiyada deyilir: Əmək miqrantları və onların ailə üzvləri istənilən dövləti tərk etməkdə azaddırlar. Əmək miqrantları və onların ailə üzvləri istədikləri vaxt ölkələrinə getmək hüququna malikdir. Əmək miqrantlarının və onların ailə üzvlərinin yaşamaq hüququ qanunla qorunur. Əmək miqrantlar və onların ailə üzvü işgəncələrə və ya qəddar, qeyri-insani, ləyaqətini alçaldan rəftara və ya cəzaya məruz qalmamalıdır.
 
Pasportlar haqqında Azərbaycan Respublikasının Qanununa əsasən (maddə 3.), Azərbaycan Respublikası vətəndaşının pasportu ölkəyə daxil olmaq hüququ verir. 
 
Azərbaycan Respublikasının Miqrasiya Məcəlləsinə əsasən (9-cu maddənin 1-ci bəndi), Azərbaycan Respublikasının vətəndaşı sərhəd buraxılış məntəqələrindən keçmək şərti ilə ölkədən sərbəst getmək və ölkəyə daxil olmaq hüququna malikdir. (9-cu maddənin 2-ci bəndi) Azərbaycan Respublikasının vətəndaşı ölkədən getmək və ölkəyə daxil olmaq hüququndan məhrum edilə bilməz.
 
RF-nın "Rusiya Federasiyasından getmək və Rusiya Federasiyasına gəlmək qaydası haqqında" federal qanununpreambulasında deyilir - hər kəs Rusiya Federasiyasından sərbəst çıxıb gedə bilər. 
 
Koronavirus infeksiyasının yayılması zamanı xarici vətəndaşların Rusiya Federasiyasından getməsi qaydası Rusiya Federasiyasından xaricilərin adi rejimlə getməsi qaydası ilə müqayisədə dəyişməyib.
 
Yuxarıda göstərilən beynəlxalq və milli hüquq normalarından göründüyü kimi, Azərbaycan və Rusiya hakimiyyət orqanlarının hərəkətləri tamamilə qanunsuzdur və Azərbaycan və Rusiya dövlət strukturlarının qeyri-effektiv antiböhran idarəetmə sisteminin girovuna çevrilən minlərlə insanın yersiz əzablarına və məhrumiyyətlərinə səbəb olur.
 
Çətin vəziyyətdə olan insanlara heç olmasa müəyyən bir şəkildə kömək etmək üçün qayğıkeş insanlar ianə toplamağa başladılar, ancaq toplanmış vəsait insanlara kömək edə biləcək vəkillərin, hüquqşünasların və peşəkar məsləhətçilərin xidmətlərini ödəmək üçün kifayət etmir. 
 
Hesab edirik ki, hüquqların bərpasının xərcləri və zərər çəkmiş miqrantlara layiqli kompensasiya Azərbaycan hakimiyyəti tərəfindən ödənilməlidir, çünki məhz onun günahından insanlar aylardır vətənlərinə qayıtmaq üçün icazə gözləyir. 
 
Rusiya hakimiyyəti də 15 iyun etiraz aksiyasının dağıdılması zamanı qeyri-adekvat polis zorakılığına məruz qalanların hamısına maddi və mənəvi ziyan ödəməlidir.
 
Biz həmçinin Rusiya hakimiyyətini 10 Azərbaycan vətəndaşını ibtidai həbsdən azad etməyə çağırırıq, çünki bu şəxslər Rusiya Federasiyasının qanunlarını pozmaq niyyətində deyildilər və xoş niyyət nümayiş edərək onlara qarşı haqsız olaraq irəli sürülən ittihamlar götürməyə və evlərinə qayıtmalarına imkan verməyə çağırırıq. 
 
Azərbaycan hakimiyyətini öz səyləri hesabına ölkənin quru sərhədlərinə gəlib çıxan vətəndaşları ölkəyə buraxmağa və bütün qanunsuz məhdudiyyətləri aradan qaldırmağa çağırırıq. 
 
Biz həmçinin Azərbaycan hakimiyyətini vətənlərinə qayıtmaq istəyən bütün Azərbaycan vətəndaşlarının ən qısa müddətdə təxliyəsini təmin etməyə və bunun üçün AZAL dövlət aviaşirkətinin bütün imkanlarından istifadə etməyə çağırırıq.
 
Hamınıza müraciət edərək, səlahiyyətlərimiz çərçivəsində hamımızı narahat edən humanitar və hüquqi böhrana təcili reaksiya verməyi və Vətənə, doğmalarının yanına maneəsiz qayıtmaq üçün Azərbaycan vətəndaşlarına yardım göstərməyi xahiş edirik.