Açiq mənbələrdən foto.
Bakı/09.07.20/Turan: Azərbaycanda bir neçə fəal, jurnalist və media təşkilatı son iki həftədə sosial şəbəkələrdəki akkauntlarına nəzarəti itiriblər. Onların Facebook hesabları şəxsiyyət vəsiqələrindən istifadə edilərək sındırılıb və deaktiv edilib.
Onlar identifikasiya kartlarından istifadə etməklə hesablarını avtorizasiya etmək üçün Facebook-dan naməlum şəxslərin sorğusu ilə bağlı mesajlar alıblar. Bu barədə “Azərbaycan vətəndaş cəmiyyəti qrupu”nun bəyanatında deyilir.
Bundan öncə, iyun ayında fəal Gülnarə Mehdiyeva ziyan çəkib, belə ki, onun hesabı sındırılıb və daxil olmaq mümkün olmayıb.
Hökumətin tənqidçilərinə qarşı kiberhücumlar son ayda Azərbaycanda artıb. Yerli ekspertlər hökumətin bu hücumlarda iştirakının mümkünlüyünü vurğulayırlar.
Jurnalist Aysel Umudova, həmçinin Xalq Cəbhəsi Partiyasının bir qrup fəalı Facebook-da hesablarına hücumlardan şikayətləniblər.
Bu arada, vətəndaş cəmiyyəti nümayəndələri, hüquq müdafiəçiləri və fəallardan ibarət qrup Azərbaycan prezidentini COVİD-19 pandemiyası ilə əlaqədar bəzi məhbusları əfv etməyə çağıran onlayn-petisiya yayıblar.—06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz