Açiq mənbələrdən foto.
Hərbi Prokurorluqda struktur və kadr dəyişiklikləri hələ ki Xanlar Vəliyevə toxunmayıb
Bakı/09.07.20/Turan: Baş prokuror Kamran Əliyevin əmri ilə ölkənin Hərbi Prokurorluğunun strukturu və rəhbər kadr heyətində ciddi dəyişikliklər edilib.
Baş Prokurorluğun mətbuat xidmətinin məlumatında deyilir ki, Hərbi Prokurorluq sistemində bir sıra yeni idarələr yaradılıb və bəzi əvvəlki idarələr ləğv edilib.
Fuad Məmmədov hərbi prokurorun müavini təyin edilib.
Hərbi Prokurorluğun bütün idarələrinə yeni rəhbərlər, eləcə də bir sıra rayonlara hərbi prokurorlar təyin edilib.
Qeyd edək ki, hərbi prokurorun özü haqda heç bir nə deyilmir. İndiyədək bu postu Xanlar Vəliyev tutur. O, “Tərtər işi”nin araşdırılması zamanı çoxsaylı hüquq pozuntularına görə kəskin tənqidlərə məruz qalıb. Orduda xəyanət işi üzrə istintaq zamanı bir neçə hərbçiyə əziyyət edilib. Sonradan onlara bəraət verilib. İndiyədək Xanlar Vəliyev və onun tabeliyində olanlar buna görə cavab verməyiblər.-02D-
Siyasət
-
İran İslam İnqilabı Keşikçiləri Korpusu (SEPAH) bildirib ki, onun Quru Qoşunları İranın şimal-qərbində Azərbaycan Respublikası Ordusu ilə birgə hərbi təlimə başlayıb.
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
Rəy yaz