Şagirdin intiharı ilə bağlı iş üzrə məktəb direktoru həbs edilə bilər
Bakı/07.08.19/Turan: Bu ilin aprelində 8-ci sinif şagirdi Elina Hacıyevanın intiharı ilə bağlı iş üzrə 162 nömrəli məktəbin keçmiş direktoru Sevinc Abbasova həbs oluna bilər.
Avqustun 7-də Səbail rayon məhkəməsində Abbasova barəsində seçilmiş ev dustaqlığı qətimkan tədbirinin həbs qətimkan tədbiri ilə əvəz edilməsinə dair keçmiş müddətin bərpası üçün müraciətə baxılıb.
Avqustun 8-də Bakı Apellyasiya Məhkəməsi Mirzəli Abbasovun sədrliyi ilə qətimkan tədbirinin həbslə əvəz edilməsi məsələsinə baxacaq.
Aprelin 8-də 162 nömrəli tam orta məktəbin 8-ci sinif şagirdi, 2004-cü il təvəllüdlü Elina Hacıyeva təhsil aldığı məktəbin üçüncü mərtəbəsindən özünü ataraq intihar edib. Faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə Bakı şəhər prokurorluğunda cinayət işi başlanıb.
Məktəbin direktoru Sevinc Abbasova Cinayət Məcəlləsinin 143-cü (təhlükədə qoyma) və 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə səbəb olduqda) maddələri ilə təqsirləndirilən şəxs qismində cəlb olunub və məhkəmənin qərarı ilə barəsində ev dustaqlığı qətimkan tədbiri seçilib.
Zərərçəkmiş tərəf ev dustaqlığı qətimkan tədbirinin həbs qətimkan tədbiri ilə dəyişdirilməsi ilə bağlı apellyasiya şikayəti verib. Bir ay əvvəl ev dustaqlığının müddəti uzadılıb. Amma bu qərar zərərçəkmiş tərəfin xəbəri olmadan qəbul edilib və şikayət müddətini keçirib. Bununla əlaqədar Bakı Apelyasiya Məhkəməsi apellyasiya müddətinin bərpası üçün işi birinci instansiya məhkəməsinə qaytarıb. -06D-
-
- Bazarların icmalı
- 7 Avqust 2019 11:12
-
- Maliyyə
- 7 Avqust 2019 12:23
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz