Açiq mənbələrdən foto.
Saleh Rüstəmovun müdafiəsinə həsr olunmuş aksiyada saxlanılan 4 nəfərin aqibəti məlum deyil
Bakı/02.12.21/Turan: Dekabrın 1-də Bakının mərkəzində siyasi məhbus Saleh Rüstəmovu azad etmək tələbi ilə keçirilən etiraz aksiyasından sonra polis tərəfindən saxlanılan 4 fəalın aqibəti məlum deyil.
Onlar fəal Rüstəm İsmayılbəyli, Xalq Cəbhəsi Partiyasının üzvləri İlham Hüseyn, Səyad Quliyev və Elxan Əliyevdir. İsmayılbəylinin ailə üzvlərinin sözlərinə görə, o, aksiyada iştirak etməyib, aksiya başa çatdıqdan sonra oraya gedib.
DİN saxlanılan şəxslərlə bağlı şərh vermir.
AXCP-dən Turan-a verilən məlumata görə, polis ümumilikdə 40-dan çox aksiya iştirakçısını saxlayıb, onların əksəriyyəti sərbəst buraxılıb. Bu zaman çoxları polis bölmələrində zorakılığa məruz qalıb.
Ən çox Milli Şuranın üzvü Tofiq Yaqublu xəsarət alıb, o, dəfələrlə döyülüb, üzü eybəcər hala salınıb.
AXCP üzvü Paşa Dadaşzadənin qolu qırılıb, onlarla digər şəxs də yüngül xəsarət alıb. -06D-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz