![Blinken and Cavusoglu](https://turan.az/resized/750/500/resize/media/2021/main/120200041772.jpg)
Blinken and Cavusoglu
Blinken və Çavuşoğlu Ermənistan və Azərbaycandakı vəziyyəti müzakirə ediblər - Dövlət Departamenti
Vaşinqton/02.12.21/Turan: ABŞ dövlət katibi Entoni Blinken və Türkiyə XİN başçısı Mevlut Çavuşoğlu çərşənbə günü Riqada bir sıra mühüm məsələləri müzakirə ediblər.
"Blinken və Çavuşoğlu Qaradəniz regionunda sabitliyin qorunub saxlanması üzrə səyləri müzakirə ediblər. Onlar həmçinin Rusiyanın Ukraynaya qarşı təcavüzünü və Ermənistan və Azərbaycan, həmçinin Əfqanıstandakı vəziyyəti müzakirə ediblər", deyə Dövlət Departamentinin məlumatında bildirilir.
"Müzakirələr prezidentlər Bayden və Erdoğanın Romada ikitərəfli əməkdaşlığın perspektivlərinə, həmçinin, demokratiya və insan hüquqları da daxil olmaqla, digər prioritetlərə dair söhbətinin yekunlarına əsaslanıb", deyə qurumun baş katibi Ned Prays bildirib.
Çərşənbə günü həmçinin NATO-nun iki günlük nazirlər görüşü başa çatıb. Görüşdə Rusiyanın Ukraynanı işğal edə biləcəyi barədə xəbərdarlıq səslənib.
Dövlət katibi Blinken bu mövzunu ATƏT ölkələrinin XİN başçıları Şurası çərçivəsində Rusiya xarici işlər naziri Sergey Lavrovla və Ukrayna xarici işlər naziri Dmitri Kuleba ilə müzakirə edib.
"Prezident Putinin işğal haqqında qərar qəbul edib-etmədiyini bilmirik, amma bilirik ki, o, qısa müddətdə bunu etmək üçün imkan yaradır", deyə Blinken çərşənbə günü bildirib.
Öz növbəsində, NATO baş katibi Yens Stoltenberq "Ukraynaya qarşı güc tətbiq edəcəyi təqdirdə Moskvanın yüksək qiymət ödəyəcəyi" barədə xəbərdarlıq edib. -25B-
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz